កំពង់ស្ពឺ៖ អនុវត្តតាមប្រសាសន៍ដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានចេញបញ្ជាឱ្យអភិបាលនៃ គណៈអភិបាលរាជធានី ខេត្ត និងសមត្ថកិច្ចគ្រប់ជាន់ថ្នាក់ទូទាំងប្រទេសត្រូវមានវិធានបង្ក្រាបចំពោះក្មេងទំនើង និងអនុវត្ដន៍ឱ្យបានម៉ឺងម៉ាត់បំផុត កាលពីថ្ងៃទី២៣ ខែឧសភា ឆ្នាំ២០២៤ ។
បទបញ្ជាលោក ឧត្តមសេនីយ៍ត្រី ម៉េង ស្រ៊ុនមេបញ្ជាការ កងរអាវុធហត្ថខេត្តកំពង់ស្ពឺ កម្លាំងគ្រប់អង្គភាពចំណុះបញ្ជាការដ្ឋាន ត្រូវក្តាប់ឲ្យគ្រប់សកម្មភាពក្រុមក្មេងទំនើងតាមមូលដ្ឋាន និងនៅតាមទីសាធារណៈ ត្រូវតែបង្ក្រាបដោយយកចិត្តទុកដាក់ខ្ពស់បំផុត ។
លោកវរសេនីយ៍ឯក នាង ក្វាយ មេបញ្ជាការរង ទទួលការងារជំនាញ ដឹកនាំកម្លាំងមន្ទីរស្រាវជ្រាវបង្ក្រាបបទល្មើស និងការិយាល័យព្រហ្មទណ្ឌកាលថ្ងៃទី១៦ ខែមិថុនា ឆ្នាំ២០២៤ បង្ក្រាបឃាត់ខ្លួនក្មេងទំនើង ចំនួន០២ក្រុម ជាបន្តបន្ទាប់ ដែលបង្កជម្លោះវាយតប់គ្នា នៅចំណុចភូមិទួលគោក សង្កាត់ ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ។
☆ក្រុមទី១ មានគ្នាចំនួន ១០នាក់ ស្រី០៤នាក់ ។
☆ក្រុមទី២ មានគ្នាចំនួន ១៥នាក់
»ទី១ថ្ងៃទី១៦ ខែមិថុនា ឆ្នាំ២០២៤ ចំណុចភូមិទួលគោក សង្កាត់ ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ឃាត់ខ្លួនក្មេងទំនើងចំនួន០២នាក់
១- ឈ្មោះ ម៉ី សំណាង ភេទប្រុស អាយុ១៧ឆ្នាំ រស់នៅភូមិចំបក់ ឃុំវល្លិ៍ស ស្រុកសំរោងទង ខេត្តកំពង់ស្ពឺ ។
២-ឈ្មោះ ផាត សៅរី ភេទប្រុស អាយុ១៧ឆ្នាំ រស់ភូមិបាទី ឃុំព្នាយ ស្រុកសំរោងទង ខេត្តកំពង់ស្ពឺ ។
-ចាប់យកវត្ថុតាង ដែកបំពង់ទីបមួយកំណាត់ប្រវែងប្រហែល ២ម៉ែត្រ និងម៉ូតូ១គ្រឿង ម៉ាកសេ125 ពណ៏ខ្មៅ ស្លាកលេខ ភ្នំពេញ-1KK 3985។
ក្រោយពីធ្វើការស្រាវជ្រាវបំភ្លឺរបស់សាក្សី ក្នុងហេតុការ កម្លាំងជំនាញបន្តស្រាវជ្រាវ ចាប់បានខ្លួនក្មេងទំនើង បក្ខពួកម្ខាងទៀតចំនួន០២នាក់។ នៅចំណុចឧទ្យានសុរាម្រឹតកុសមៈគីរីរម្យ ស្ថិតនៅស្រុកភ្នំស្រួច ខេត្តកំពង់ស្ពឺ។
១-ឈ្មោះ យ៉េម សៀវឡី ភេទប្រុស អាយុ១៧ឆ្នាំ ទីលំនៅភូមិតាសាល ឃុំតាំងក្រូច ស្រុកសំរោងទង ខេត្តកំពង់ស្ពឺ។
២-ឈ្មោះ រ៉ា ដារ៉ូ ភេទប្រុស អាយុ១៦ឆ្នាំ រស់នៅភូមិតាសាល ឃុំ តាំងក្រូច ស្រុកសំរោងទង ខេត្តកំពង់ស្ពឺ ។
ក្រោយស្ដាប់ចម្លើយជនសង្ស័យឈ្មោះ យ៉េម សៀវឡី កម្លាំងជំនាញមន្ទីរស្រាវជ្រាវ និងបង្ក្រាបបទល្មើស បានបន្តឃាត់ខ្លួនជនសង្ស័យចំនួន០២នាក់បន្ថែមទៀត នៅទីតាំងផ្សេងគ្នា
-នៅថ្ងៃទី១៧ ខែមិថុនា ឆ្នាំ២០២៤
ទីតាំងទី១ ស្ថិតនៅមុខរោងចក្រអិច វាយ អេច ភូមិថ្នល់បត់ ឃុំតាំងក្រូច ស្រុកសំរោងទង ខេត្តកំពង់ស្ពឺ ចាប់ខ្លួនជនសង្ស័យឈ្មោះ ហឿន សុមាន ភេទប្រុស អាយុ ២៤ឆ្នាំ មុខរបរ រោងចក្រ អិច វាយ អិច ទីលំនៅបច្ចុប្បន្ន ភូមិតាសាល ឃុំតាំងក្រូច ស្រុកសំរោងទង ខេត្តកំពង់ស្ពឺ ។
-ទីតាំងទី២: ស្ថិតនៅមុខរោងចក្រ ស៊ុយស៊ីង ភូមិបុរីកម្មករ សង្កាត់ច្បារមន ក្រុងច្បារមន ខេត្ត កំពង់ស្ពឺ ចាប់ខ្លួនជនសង្ស័យឈ្មោះ ម៉ៅ តូនី ភេទប្រុស អាយុ១៨ មុខរបរ រោងចក្រស៊ុយស៉ីង ទីលំនៅបច្ចុប្បន្នភូមិ តាសាល ឃុំតាំងក្រូច ស្រុកសំរោងទង ខេត្តកំពង់ស្ពឺ ។
បច្ចុប្បន្នជំនាញកសាងសុំណុំរឿងបញ្ជូនទៅកាន់សាលាដំបូងខេត្តកំពង់ស្ពឺ ដើម្បីបន្តនីតិវិធី៕
ប្រភព៖ បញ្ជាការដ្ឋានកងរាជអាវុធហត្ថខេត្តកំពង់ស្ពឺ
