បាត់ដំបង៖ នៅថ្ងៃពុធ ១៣កើត ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៩ ខែមិថុនា ឆ្នាំ២០២៤ វេលាម៉ោង ១៦ និង១០នាទី នៅចំណុចភូមិដូង ឃុំបឹងរាំង ស្រុកកំ រៀង ខេត្តបាត់ដំបង អនុវត្តតាមយោបល់ដឹកនាំរបស់លោក ឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងលោកវរសេនីយ៍ឯក សុខ និមល ស្នងការរងផែនការងារប្រឆាំងគ្រឿងញៀន លោកវរសេនីយ៍ទោ វេ គឹមចត់ អធិការនគរបាលស្រុកកំរៀង បានដឹកនាំកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកបង្រ្កាបបាន ករណីរក្សាទុកជួញដូរ ឬដឹកជញ្ជូនដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្ដែង ដោយឃាត់ខ្លួនជនសង្ស័យចំនួន០២នាក់៖
១.ឈ្មោះ ឆាយ សុខឃីម ហៅ ចែដា ភេទស្រី អាយុ ៤៨ឆ្នាំ មានទីលំនៅភូមិអូរក្រូច ឃុំបឹងរាំង ស្រុកកំរៀង ខេត្តបាត់ដំបង។
២.ឈ្មោះ ផង់ ច្រឹប ភេទស្រី អាយុ ៥៥ឆ្នាំ មានទីលំនៅភូមិដូង ឃុំបឹងរាំង ស្រុកកំរៀង ខេត្តបាត់ដំបង។
-វត្ថុតាងចាប់យកបាន៖
១-ម្សៅក្រាមពណ៌សថ្លាច្រកក្នុងថង់ប្លាសិ្ទកចំនួន ៦០ កូនថង់ សង្ស័យមានសារធាតុញៀន
២-ថ្នាំគ្រាប់រាងមូលសំប៉ែតពណ៌ក្រហមមានត្រាអក្សរបរទេស (WY) លើកគ្រាប់ថ្នាំ ចំនួន១៧០ គ្រាប់ សង្ស័យមានសារធាតុញៀន
៣-អំពូលសម្រាប់ជក់ថ្នាំញៀនចំនួន ១៦
៤-ដែកកេះចំនួន០១ ស្លាបព្រាបាយសម្រាប់រំលែកថ្នាំញៀនចំនួន០១
៥-កូនថង់សម្រាប់រំលែកច្រកថ្នាំញៀនលក់មួយចំនួន។
បច្ចុប្បន្ន ជនសង្ស័យសមត្ថកិច្ចកំពុងរៀបចំសំណុំរឿងបញ្ជូនមកការិយាល័យជំនាញ ចាត់ការបន្តតាមនិតិវិធី ច្បាប់ ៕
ប្រភព៖ នាយកដ្ឋានផ្សព្វផ្សាយ
