បាត់ដំបង៖ យោងតាមបទបញ្ជារបស់លោកឧត្តមសេនីយ៍ត្រី ហែម វុទ្ធី មេបញ្ជាការ កងរាជអាវុធហត្ថខេត្ដបាត់ដំបង នៅថ្ងៃទី១៣ ខែមិថុនា ឆ្នាំ២០២៤ លោកអនុសេនីយ៍ឯក ផាត់ សុភ័ក្រ មេបញ្ជាការ មូលដ្ឋានកងរាជអាវុធហត្ថស្រុកឯកភ្នំ បានចុះអនុវត្តដីកាបង្គាប់ឱ្យចាប់ខ្លួនលេខ១៥៩ ត.ព្រ ចុះថ្ងៃទី០៦ ខែកុម្ភៈ ឆ្នាំ២០២៤ របស់លោក គី ទីម៉េង ចៅក្រមជំនុំជម្រះ នៃសាលាដំបូងខេត្តបាត់ដំបង ដោយបង្គាប់ឱ្យចាប់ខ្លួនជនជាប់ចោទឈ្មោះ ថេង ពន្លក ហៅ ជី លក ភេទប្រុស អាយុ ៤៧ ឆ្នាំ មានទីលំនៅភូមិថ្វាង ឃុំកោះជីវាំង ស្រុកឯកភ្នំ ខេត្តបាត់ដំបង ពីបទជួញដូរខុសច្បាប់នូវសារធាតុញៀន ដែលប្រព្រឹត្តនៅភូមិព្រែកទាល់ ឃុំកោះជីវាំង ស្រុកឯកភ្នំ ខេត្តបាត់ដំបង កាលពីថ្ងៃទី២៨ ខែមិថុនា ឆ្នាំ២០២៣ ។ បច្ចុប្បន្នជនជាប់ចោទត្រូវបានមន្ត្រីជំនាញអនុវត្តបន្តតាមនីតិវិធី៕
ប្រភព៖ GRK News
