ព្រះវិហារ៖ ថ្ងៃសុក្រ ៨កើត ខែជេស្ឋ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៤ ខែមិថុនា ឆ្នាំ២០២៤ តាមការចង្អុលបង្ហាញរបស់លោកឧត្តមសេនីយ៍ទោស្នងការ នឹងដោយការដឹកនាំផ្ទាល់ពីលោកឧត្តមសេនីយ៍ត្រី យ៉េង សារ៉េន ស្នងការរងផែនការងារប្រឆាំងបទល្មើសគ្រឿងញៀន កាលពីថ្ងៃទី១២ ខែមិថុនា ឆ្នាំ២០២៤ វេលាម៉ោង១៧និង២៥នាទី កម្លាំងជំនាញការិយាល័យប្រឆាំងគ្រឿងញៀន សហការជាមួយ កម្លាំងនគរបាលស្រុករវៀង បានបង្ក្រាបករណីរក្សាទុក ដឹកជញ្ជូន ឬជួញដូរ និងប្រើប្រាស់ដោយខុសច្បាប់នូវសារធាតុញៀន០១លេីក នៅចំណុចភូមិរំចេក ឃុំរមណីយ ស្រុករវៀង ខេត្តព្រះវិហារ។ សមត្ថកិច្ចយើងឃាត់ខ្លួនជនសង្ស័យ ០១នាក់(ប្រុស) មានឈ្មោះ សាន់ បូរី ភេទប្រុស អាយុ៣៨ឆ្នាំ ជនជាតិខ្មែ មុខរបរ មិនពិតប្រាកដ រស់នៅភូមិ អូពោធិ៍ ឃុំរមណីយ ស្រុករវៀង ខេត្តព្រះវិហារ។ ដកហូតវត្ថុតាង និងសម្ភាររួមមាន៖ ម្សៅក្រាមពណ៌សថ្លាប្រភេទមេតំហ្វេតាមីន(ICE) ០២កញ្ចប់ ទម្ងន់៣,៥១ក្រាម, ម៉ូតូចំនួន ០១គ្រឿង និងទូរស័ព្ទចំនួន ០២គ្រឿង។
នៅថ្ងៃទី១៣ ខែមិថុនា ឆ្នាំ២០២៤ វេលាម៉ោង១៤និង២០នាទី កម្លាំងជំនាញការិយាល័យប្រឆាំងគ្រឿងញៀន សហការជាមួយកម្លាំងចម្រុះក្រុមការងារទំនាក់ទំនងព្រំដែន (BLO) បានបង្ក្រាបករណីរក្សាទុក ប្រើប្រាស់ដោយខុសច្បាប់នូវសារធាតុញៀន០១លេីក នៅចំណុចផ្លូវបែកជាបួន ស្ថិតក្នុងភូមិកំពង់ស្រឡៅមួយ ឃុំកំពង់ស្រឡៅមួយ ស្រុកឆែប ខេត្តព្រះវិហារ។ សមត្ថកិច្ចយើងឃាត់ខ្លួនជនសង្ស័យ ០១នាក់(ប្រុស) មានឈ្មោះដូចខាងក្រោម៖
១. ឈ្មោះ ស៊ី កៃ ភេទប្រុស អាយុ ៣០ឆ្នាំ មុខរបរកសិករ រស់នៅភូមិកំពង់សង្កែ ឃុំកំពង់ស្រឡៅមួយ ស្រុកឆែប ខេត្តព្រះវិហារ។
ដកហូតវត្ថុតាង និងសម្ភាររួមមាន៖
១-ថ្នាំគ្រាប់ពណ៌ក្រហមប្រភេទមេតំហ្វេតាមីន(WY) ចំនួន ២០គ្រាប់,ទម្ងន់១,០៥ក្រាម
២-ម៉ូតូ ចំនួន ០១គ្រឿង
៣-រំសេវអាវុធកែច្នៃគ្រាប់ចំនួន ០១កំប៉ុង
៤-កាំបិត ចំនួន ០១ដើម។
នៅថ្ងៃទី១៣ ខែមិថុនា ឆ្នាំ២០២៤ វេលាម៉ោង ១៥ និង ០០នាទី កម្លាំងជំនាញការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តព្រះវិហារ សហការជាមួយកម្លាំងអធិការដ្ឋាននគរបាលស្រុកគូលែន (កម្លាំងផ្នែកប្រឆាំងគ្រឿងញៀន និងកម្លាំងប៉ុស្តិ៍នគរបាលរដ្ឋបាលថ្មី) និងកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកជាំក្សាន្ត បានបង្ក្រាបករណីរក្សាទុក ជួញដូរ និងប្រើប្រាស់ដោយខុសច្បាប់នូវសារធាតុញៀន នៅចំណុចផ្លូវបំបែកគូលែនស្ថិតក្នុងភូមិថ្នល់បែក ឃុំថ្មី ស្រុកគូលែន ខេត្តព្រះវិហារ។ សមត្ថកិច្ចយើងបានឃាត់ខ្លួនជនសង្ស័យចំនួន០៩នាក់ មានឈ្មោះដូចខាងក្រោម៖
១-ឈ្មោះ នី នួន ភេទប្រុស អាយុ១៩ ឆ្នាំជនជាតិខ្មែរ សញ្ជាតិខ្មែរ មុខរបរមិនពិតប្រាកដ រស់នៅភូមិត្មាតប៉ើយ ឃុំព្រីងធំ ស្រុកជាំក្សាន្ត ខេត្តព្រះវិហារ។
២-ឈ្មោះ សារិទ្ធ រតនៈ ភេទប្រុស អាយុ១៧ ឆ្នាំ ជនជាតិខ្មែរ សញ្ជាតិខ្មែរ មុខរបរ មិនពិតប្រាកដ រស់នៅភូមិឡឥដ្ឋ សង្កាត់កំពង់ប្រណាក ក្រុងព្រះវិហារ ខេត្តព្រះវិហារ។
៣-ឈ្មោះ ហ៊ុល អ៊ុនតាក់ ភេទប្រុស អាយុ២៩ ឆ្នាំជនជាតិខ្មែរ សញ្ជាតិខ្មែរ មុខរបរមិនពិតប្រាកដ ស្នាក់នៅបណ្តោះអាសន្នបន្ទប់ជួល ស្ថិតក្នុងភូមិអណ្តូងពោធិ៍ សង្កាត់កំពង់ប្រណាក ក្រុងព្រះវិហារ ខេត្តព្រះវិហារ។
៤-ឈ្មោះ សៀង សៀប ភេទប្រុស អាយុ ១៥ ឆ្នាំ ជនជាតិខ្មែរ សញ្ជាតិខ្មែរ មុខរបរ មិនពិតប្រាកដ រស់នៅភូមិត្មាតប៉ើយ ឃុំព្រីងធំ ស្រុកជាំក្សាន្ត ខេត្តព្រះវិហារ។
៥-ឈ្មោះ ពេង ប៉ារី ភេទប្រុស អាយុ ១៩ ឆ្នាំ ជនជាតិខ្មែរ សញ្ជាតិខ្មែរ មុខរបរមិនពិតប្រាកដ រស់នៅភូមិសំឡាញ ឃុំត្បែងមួយ ស្រុកសង្គមថ្មី ខេត្តព្រះវិហារ។
៦-ឈ្មោះ ជី ត្រក ភេទប្រុស អាយុ ២១ ឆ្នាំ ជនជាតិខ្មែរ សញ្ជាតិខ្មែរ មុខរបរ មិនពិតប្រាកដ រស់នៅភូមិក្តី ឃុំរអាង ស្រុកសង្គមថ្មី ខេត្តព្រះវិហារ។
៧-ឈ្មោះ ខេង សុភីន ភេទប្រុស អាយុ ១៧ ឆ្នាំ ជនជាតិខ្មែរ សញ្ជាតិខ្មែរ មុខរបរ មិនពិតប្រាកដ រស់នៅភូមិក្បាលខ្លា ឃុំត្បែងមួយ ស្រុកសង្គមថ្មី ខេត្តព្រះវិហារ។
៨-ឈ្មោះ បុត្រ ស្រីហ៊ីម ភេទប្រុស អាយុ ១៨ ឆ្នាំ ជនជាតិខ្មែរ សញ្ជាតិខ្មែរ មុខរបរមិនពិតប្រាកដ រស់នៅភូមិត្មាតប៉ើយ ឃុំព្រីងធំ ស្រុកជាំក្សាន្ត ខេត្តព្រះវិហារ។
៩-ឈ្មោះ ម៉ៅ សុភឿ ភេទប្រុស អាយុ ១៦ ឆ្នាំ ជនជាតិខ្មែរ សញ្ជាតិខ្មែរ មុខរបរ មិនពិតប្រាកដ រស់នៅភូមិក្បាលខ្លា ឃុំត្បែងមួយ ស្រុកសង្គមថ្មី ខេត្តព្រះវិហារ។
វត្ថុតាងគ្រឿងញៀនចាប់យក៖
១-មេតំហ្វេតាមីន(ICE)ទម្ងន់១៣,៣៨ក្រាម(ដប់បីក្បៀសសាមសិបប្រាំបីក្រាម)។
សម្ភារៈ និងមធ្យោបាយចាប់យក៖
១-ម៉ូតូចំនួន ០៣ គ្រឿង។
២-ទូរស័ព្ទចំនួន ០៩ គ្រឿង។
៣-ជញ្ជីងថ្លឹងគ្រឿងញៀនចំនួន ០១ គ្រឿង។
៤-សម្ភារប្រើប្រាស់គ្រឿងញៀនមួយចំនួន។
បច្ចុប្បន្នវត្ថុតាង និងជនសង្ស័យចំនួន ១១នាក់ ត្រូវបានកម្លាំងជំនាញយើងកសាងសំណុំរឿងបញ្ជូនទៅអយ្យការសាលាដំបូងខេត្តចាត់ការបន្តតាមនីតិវិធីច្បាប់៕
ប្រភព៖ នាយកដ្ឋានផ្សព្វផ្សាយអប់រំ
