កំពត៖ ដោយបានការយកចិត្តទុកដាក់ និងបញ្ជាណែនាំយ៉ាងម៉ឹងម៉ាត់ ពីលោកឧត្តមសេនីយ៍ទោ ម៉ៅ ច័ន្ទមធុរិទ្ទ ស្នងការនគរបាលខេត្តកំពត ក្នុងការបង្ក្រាប នូវរាល់បទល្មើសផ្សេងៗ នៅថ្ងៃអង្គារ ៥កើត ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១១ ខែមិថុនា ឆ្នាំ២០២៤ វេលាម៉ោង ១៥ និង ៣០ នាទី កម្លាំងជំនាញការិយាល័យប្រឆាំងគ្រឿងញៀនខេត្តកំពត ដឹកនាំដោយលោកវរសេនីយ៍ឯក ទឹម សុភាព ស្នងការរងផែនការងារប្រឆាំងគ្រឿងញៀន បានធ្វើការស៊ើបអង្កេត និងស្រាវជ្រាវ ដោយបានដាក់កម្លាំងសមត្ថកិច្ចឃ្លាំមើលក៍ប្រទះឃើញជនសង្ស័យកំពុងយកថ្នាំញៀនមកលក់ ក៍បេីកកិច្ចប្រតិបត្តិការបង្ក្រាបករណី ជួញដូរដោយខុសច្បាប់នូវសារធាតុញៀន (វិធានការញុះញុង) ចំនួន ០១ករណី ស្ថិតនៅភូមិកំពង់កណ្តាល ឃុំជុំគ្រៀង ស្រុកទឹកឈូ ខេត្តកំពត។
កម្លាំងយើងបានឃាត់ខ្លួនជនសង្ស័យចំនួន ០២នាក់
១/ឈ្មោះ លី តៅហ៊ ហៅ ចាវ ភេទប្រុស អាយុ ២៩ឆ្នាំ រស់នៅភូមិសុវណ្ណសាគរ សង្កាត់កំពង់កណ្តាល ក្រុងកំពត ខេត្តកំពត ។
-ថ្នាំញៀន ០១កញ្ចប់ (១.៧១ ក្រាម)
-ម៉ូតូ ០១គ្រឿង
-ទូរស័ព្ទដៃ ០១គ្រឿង
២/ឈ្មោះ សៀក ស្រីលាក់ ភេទស្រី អាយុ ២១ឆ្នាំ រស់នៅភូមិ១ឧសភា សង្កាត់កំពង់កណ្តាល ក្រុងកំពត ខេត្តកំពត ។
-ថ្នាំញៀន ០១កញ្ចប់ (០.៤១ ក្រាម)
តាមចម្លើយជនសង្ស័យខាងលើឈ្មោះ លី តៅហ៊ ហៅ ចាវ វេលាម៉ោង ១៦ និង ៣០នាទី កម្លាំងសមត្ថកិច្ចយើងបានបន្តឃាត់ខ្លួនជនសង្ស័យដែលជាបក្ខពួកជួញដូរថ្នាំញៀន ស្ថិតនៅភូមិម៉ាក់ប្រាង្គ ឃុំម៉ាក់ប្រាង្គ ស្រុកទឹកឈូ ខេត្តកំពត ចំនួន ០១នាក់ថែមទៀត
១/ឈ្មោះ ស៊ូ ម៉ាត់លី ហៅ ដា ភេទប្រុស អាយុ ៤៤ឆ្នាំ រស់នៅភូមិម៉ាក់ប្រាង្គ ឃុំម៉ាក់ប្រាង្គ ស្រុកទឹកឈូ ខេត្តកំពត ។
-ថ្នាំញៀន ០១កញ្ចប់ (២.៤៥ ក្រាម)
-ម៉ូតូ ០១គ្រឿង
-ទូរស័ព្ទដៃ ០១គ្រឿង
ករណីខាងលើសមត្ថកិច្ចយើង ឃាត់ខ្លួនជនសង្ស័យបានចំនួន ០៣ នាក់ ស្រី ០១នាក់ និងដកហូតវត្ថុតាងរួមមាន៖
-ម្សៅក្រាមពណ៍សថ្លាសង្ស័យជាថ្នាំញៀនចំនួន ៣កញ្ចប់ ទម្ងន់ ៤.៥៧ក្រាម (ថ្លឹងទាំងថង់ប្លាស្ទិច)
-ទូរស័ព្ទដៃ ០២គ្រឿង
-ម៉ូតូ ០១គ្រឿង
បច្ចុប្បន្នជនសង្ស័យរួមនិងវត្ថុតាង កម្លាំងជំនាញយើងកំពុងចងក្រងសំណុំរឿងដើម្បីបញ្ជូនទៅតុលាការដើម្បីចាត់ការតាមនីតិវិធីច្បាប់ ៕
ប្រភព៖ នាយកដ្ឋានផ្សព្វផ្សាយអប់រំ
