កណ្តាល៖ ខណៈដែរកម្លាំងអន្តរាគមន៍ នៃអធិការដ្ឋាននគរបាលក្រុងតាខ្មៅ និង ប៉ុស្តិ៍នគរបាលរដ្ឋបាលតាខ្មៅ ល្បាតតាមដងផ្លូវ និង ភូមិសាស្ត្រស្មុកស្មាញ ងាយរងគ្រោះ ក៏បានប្រទះឃើញផ្សែងខ្មៅហុយចេញពីហាងលក់ សំលៀកបំពាក់នារី LABE នៅលើកំណាត់ផ្លូវ២១អា ចំណុចភូមិតាខ្មៅ៣ សង្កាត់តាខ្មៅ ក្រុងតាខ្មៅ ខេត្តកណ្តាល នៅវេលាម៉ោង ០៩:៤០នាទី កម្លាំងនគរបាលយើងក៏បានហៅម្ចាស់ផ្ទះ ដើម្បីបើកទ្វាហាងលក់ខោអាវពិនិត្យមើល ក៏បានឃើញអណ្តាតភ្លើងឆាបឆេះយ៉ាងសន្ធោសន្ធៅ ភ្លាមៗ លោកអធិការ ក៏បានរាយការណ៍ជូនលោកឧត្តមសេនីយ៍ទោ ឈឿន សុចិត្ត ស្នងការ នៃស្នងការដ្ឋាននគរបាលខេត្តកណ្តាល បានបញ្ជាអោយ កម្លាំងការិយាល័យ បង្ការ ពន្លត់ និង សង្គ្រោះអគ្គិភ័យ ចុះមកអន្តរាគមន៍ពន្លត់ភ្លាម ដោយមានកិច្ចសហការពី រថយន្តសង្គ្រោះ ពន្លត់អគ្គិភ័យ បញ្ជាការដ្ឋានអង្គរក្ស ផងដែរ ។
ជាលទ្ធផល នគរបាលយើងគ្រប់គ្រងស្ថានការណ៍ឆាបឆេះបានដោយជោគជ័យមិនអោយឆេះរីករាលដាលដល់ផ្ទះពុកម៉ែបងប្អូនជិតខាង បន្តរទៀត ៕
ប្រភព៖ អធិការដ្ឋាននគរបាលក្រុងតាខ្មៅ
