ក្រចេះ៖ នៅថ្ងៃទី០៥ ខែ មីថុនា ឆ្នាំ២០២៤ កម្លាំងកងរាជអាវុធហត្ថខេត្តក្រចេះ សហកាជាមួយស្នាក់ការសន្តិសុខ៧១១ ដឹកនាំដោយ លោកវរសេនីយ៍ ត្រី ឃួយ សុធារិទ្ធ បានចុះបង្ក្រាបករណីដឹកជញ្ជូនផលអនុផលព្រៃឈើចំណុច ភូមិមានជ័យ ឃុំស្រែចារ ស្រុកស្នួល ខេត្តក្រចេះ ដោយបានឃាត់រថយន្តចំនួន០១ គ្រឿងម៉ាកលុចស៊ីស ៣០០ ពណ៌ខ្មៅពាក់ស្លាកលេខ ភ្នំពេញ ២K ២៣៧១ ផ្ទុកឈើប្រណីតបេង (កូនក្រឡឹង) មិនទាន់ធ្វើការវាស់វែង អ្នកបើកបររត់គេចខ្លួន។
បច្ចុប្បន្នវត្ថុតាងខាងលើរក្សាទុកបណ្ដោះអាសន្ននៅមូលដ្ឋានកងរាជអាវុធហត្ថស្រុកស្នួល និង សុំគោលការណ៍អនុវត្តបន្ត៕
ប្រភព៖ GRK News
