កំពត៖ ថ្ងៃពុធ០៧រោច ខែពិសាខ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៩ ខែឧសភា ឆ្នាំ២០២៤ វេលាម៉ោង ១៦ និង ៣០ នាទី កម្លាំងជំនាញការិយាល័យប្រឆាំងគ្រឿងញៀនខេត្តកំពត ដឹកនាំដោយលោកវរសេនីយ៍ឯក ទឹម សុភាព ស្នងការរងផែនការងារប្រឆាំងគ្រឿងញៀន បានធ្វើការស៊ើបអង្កេត និងស្រាវជ្រាវ ដោយបានដាក់កំលាំងសមត្ថកិច្ចឃ្លាំមើលក៍ប្រទះឃើញជនសង្ស័យកំពុងយកថ្នាំញៀនមកលក់ ក៍បេីកកិច្ចប្រតិបត្តិការបង្ក្រាបករណី ជួញដូរដោយខុសច្បាប់នូវសារធាតុញៀន (វិធានការញុះញុង) ចំនួន ០១ករណី ស្ថិតនៅចំណុចផ្លូវលំគ្រួសក្រហម ភូមិស្រែព្រៃ ឃុំវត្តអង្គខាងត្បូង ស្រុកបន្ទាយមាស ខេត្តកំពត។ កម្លាំងសមត្ថកិច្ចយើងឃាត់ខ្លួនជនសង្ស័យចំនួន ០២នាក់៖
១/ឈ្មោះ សុឹម សិរី ហៅ ខ្នន ភេទប្រុស អាយុ ២៤ឆ្នាំ រស់នៅភូមិច្រកឃ្លៃ ឃុំទូកមាសខាងលិច ស្រុកបន្ទាយមាស ខេត្តកំពត ។
-ថ្នាំញៀន ០២កញ្ចប់ (5.51g)
-ទូរស័ព្ទ ០២គ្រឿង
២/ឈ្មោះ រាំង ណារិន ភេទស្រី អាយុ ២៧ឆ្នាំ រស់នៅភូមិស្រែព្រៃ ឃុំវត្តខាងត្បូង ស្រុកបន្ទាយមាស ខេត្តកំពត ។
-ទូរស័ព្ទ ០១គ្រឿង។
តាមចម្លើយជនសង្ស័យខាងលើឈ្មោះ សុឹម សិរី ហៅ ខ្នន វេលាម៉ោង ១៧ និង ៣០នាទី កម្លាំងសមត្ថកិច្ចយើងបានបន្តឃាត់ខ្លួនជនសង្ស័យដែលជាបក្ខពួកជួញដូរថ្នាំញៀន ស្ថិតនៅភូមិក្រាំងដូង ឃុំសំរោងក្រោម ស្រុកបន្ទាយមាស ខេត្តកំពត ចំនួន ០១នាក់ថែមទៀត៖
១/ឈ្មោះ យ៉ាង នយ ភេទប្រុស អាយុ ៤១ឆ្នាំ រស់នៅភូមិច្រកឃ្លៃ ឃុំទូកមាសខាងលិច ស្រុកបន្ទាយមាស ខេត្តកំពត
-ថ្នាំញៀន ១៤កញ្ចប់ (15.60g)
-ទូរស័ព្ទ ០១គ្រឿង
-ជញ្ជីង ០១គ្រឿង។
តាមចម្លើយជនសង្ស័យខាងលើឈ្មោះ យ៉ាង នយ វេលាម៉ោង ១៩ និង ៣០នាទី កម្លាំងសមត្ថកិច្ចយើងបានបន្តឃាត់ខ្លួនជនសង្ស័យដែលជាបក្ខពួកជួញដូរថ្នាំញៀន (មេក្លោង) ស្ថិតនៅភូមិប្រាល ឃុំតានី ស្រុកអង្គរជ័យ ខេត្តកំពត ចំនួន ០២នាក់ថែមទៀត៖
១/ឈ្មោះ លន សុវណ្ណ ភេទប្រុស អាយុ ៣៣ឆ្នាំ រស់នៅភូមិកំពូលមាស ឃុំឬស្សីខាងលិច ស្រុកកំពង់ត្រាច ខេត្តកំពត
-ថ្នាំញៀន ០៣កញ្ចប់ (122.68g)
-រថយន្ត Camry ០១គ្រឿង។
២/ ឈ្មោះ សៅ ឌាំង ភេទប្រុស អាយុ ២០ឆ្នាំ រស់នៅភូមិប្រាល ឃុំតានី ស្រុកអង្គរជ័យ ខេត្តកំពត ។
ករណីខាងលើសមត្ថកិច្ចយើងបានឃាត់ជនសង្ស័យបានចំនួន ០៥ នាក់ ស្រី ០១ នាក់ និងដកហូតវត្ថុតាងរួមមាន៖
-ម្សៅក្រាមពណ៍សថ្លាសង្ស័យជាថ្នាំញៀនចំនួន ១៩កញ្ចប់ ទម្ងន់ 143.79ក្រាម (ថ្លឹងទាំងថង់ប្លាស្ទិច)
-ទូរស័ព្ទដៃ ០៤គ្រឿង
-រថយន្ត Camry ០១គ្រឿង
-ជញ្ជីង ០១គ្រឿង។
បច្ចុប្បន្នជនសង្ស័យរួមនិងវត្ថុតាង កំលាំងជំនាញ យើងបានកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធីច្បាប់៕
ប្រភព៖ ផ្សព្វផ្សាយអប់រំ ស្នងការដ្ឋាននគរបាលខេត្តកំពត
