ភ្នំពេញ៖ ដោយអនុវត្តតាមការចង្អុលដឹកនាំពីលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល ថ្ងៃទី ២៨ ខែឧសភា ឆ្នាំ ២០២៤ កម្លាំងជំនាញនៃអធិការដ្ឋាននគរបាលស្រុកកៀនស្វាយ និងស្រុកកណ្តាលស្ទឹង បានសហការគ្នាធ្វើការស្រាវជ្រាវបង្ក្រាបករណី លួចមានស្ថានទម្ងន់ទោស កើតហេតុនៅថ្ងៃទី២៧ ខែឧសភា ឆ្នាំ២០២៤ វេលាម៉ោង១៨:៣០នាទី នៅចំណុចភូមិត្រពាំងវែង ឃុំត្រពាំងវែង ស្រុកកណ្ដាលស្ទឹង ខេត្តកណ្ដាល។
ជនរងគ្រោះឈ្មោះ យុង សុផាត ភេទ ប្រុស អាយុ៤៤ ឆ្នាំ បច្ចុប្បន្នរស់នៅភូមិរកា សង្កាត់រកាខ្ពស់ ក្រុងតាខ្មៅ ខេត្តកណ្ដាល មុខរបរ រត់ឡានឈ្នួល ។ ជនសង្ស័យ០៤នាក់ គេចខ្លួន០២នាក់ និងឃាត់ខ្លួនចំនួន០២នាក់ មានដូចខាងក្រោម៖
១.ឈ្មោះ Nguyễn Thont Đồng ភេទប្រុស អាយុ ២៣ ឆ្នាំ ជនជាតិ វៀតណាម (ឃាត់ខ្លួន )
២.ឈ្មោះ Li Jun Wei ភេទ ប្រុស អាយុ ៣៩ ឆ្នាំ ជនជាតិ ចិន (ឃាត់ខ្លួន)
វត្ថុ តាង ចាប់យករថយន្ត០១គ្រឿង ម៉ាកTOYOTA ALPHARD ពណ៌ ស ស៊េរីឆ្នាំ២០១០ ពាក់ស្លាកលេខ ភ្នំពេញ 2BX 6820 (របស់ ជនរងគ្រោះ ) ហើយសម្ភារៈ បាត់បង់រួមមាន ទូរស័ព្ទ០១គ្រឿង ម៉ាកSAMSUNG FOLD3 ពណ៌ខ្មៅ (របស់ជនរងគ្រោះ )។ បច្ចុប្បន្ន ជនសង្ស័យទាំង០២ខាងលើ ត្រូវបានសម្ថកិច្ចជំនាញកំពុងកសាងសំណុំដើម្បីចាត់ការតាមនីតិវិធី។ ចំពោះជនសង្ស័យ០២នាក់ទៀតដែលគេចខ្លួន កម្លាំងសម្ថកិច្ចកំពុងបន្តស្រាវជ្រាវ ដើម្បីឃាត់ខ្លួនយកមកចាត់ការតាមនីតិវិធី៕
ប្រភព៖ ស្នងការដ្ឋាននគរបាលខេត្តកណ្តាល
