ព្រះសីហនុ៖ កាលពីម៉ោងប្រមាណ១២រំលងអាធាត្រ ឈានចូលថ្ងៃទី២០ ខែឧសភា ឆ្នាំ២០២៤ នៅម្តុំបន្ទប់ទឹកទី២ ចុងអូរឈើទាល ក្នុងសង្កាត់លេខ៤ ក្រុងព្រះសីហនុ មានករណីស្ត្រីវ័យក្មេងម្នាក់ ពុំដឹងមានវិបត្តិអ្វី បានមកអង្គុយនៅឆ្នេរសមុទ្រតែម្នាក់ឯងប្រមាណជាង២ម៉ោង រួចក៏បានដើរចូលទឹកសមុទ្រជ្រៅ បណ្តាលឲ្យលង់ហើយសន្លប់ ប៉ុន្តែត្រូវបានប្រជាពលរដ្ឋឃើញ ក៏ហែលចុះទៅជួយទាន់ពេល ស្រង់យកមកលើឆ្នេរវិញ ។
បច្ចុប្បន្នស្ត្រីរូបនេះ បានដឹងខ្លួនវិញហើយ និងគិតតែយំ ប៉ុន្តែត្រូវបានប្រជាពលរដ្ឋនៅក្បែរនោះលួងលោម និងជូនស្ត្រីខាងលើត្រលប់ទៅផ្ទះវិញ៕
