ព្រះសីហនុ,៖ សមត្ថកិច្ចបានឃាត់ខ្លួនយុវជនម្នាក់ពាក់ព័ន្ធករណីចាប់រំលោភលើក្មេងស្រីអាយុ០៨ឆ្នាំ នៅចំណុចទ្រុងមាន់ជាប់ផ្ទះរបស់ក្មេងស្រីរងគ្រោះ ក្បែរស្ពានទឹកសាប កាលពីរសៀលថ្ងៃទី១៧ ខែឧសភា ឆ្នាំ២០២៤ វេលាម៉ោង ១៣នឹង៣០នាទី ភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ។
តាមសមត្ថកិច្ចឱ្យដឹងថា ជនសង្សយ័ឈ្មោះ រឿន សុភាព ភេទ ប្រុស អា យុ១៨ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិឃុំកើតហេតុខាងលើ។ តាមការបំភ្លឺរបស់ក្មេងស្រីរងគ្រោះប្រាប់សមត្ថកិច្ចថា ជនសង្ស័យ បានធ្វើសកម្មភាពចាប់រំលោភសេពសន្ថវះទៅលើរូបខ្លួន កំពុងលេងនៅក្រោមផ្ទះរបស់ខ្លួន ស្រាប់តែត្រូវជនសង្ស័យបានធ្វើសកម្មភាពចាប់រំលោភបានសម្រេចតែម្តង។
បន្ទាប់ពីធ្វើសកម្មភាពរួចជនសង្ស័យ បានរត់គេចខ្លួនបាត់ ក្រោយពីបានព័ត៌មាននេះភ្លាម សមត្ថកិច្ចបានចុះធ្វើការស្រាវជ្រាវ តាមចាប់មុខសញ្ញា លុះរហូតដល់ព្រឹកថ្ងៃទី១៨ ខែ ឧសភា ឆ្នាំ ២០២៤ នៅវេលាម៉ោងប្រហែល០៨:៣០នាទី ទើបកំលាំងបានធ្វើការឃាត់ខ្លួនជនសង្ស័យខាងលើបាន ហើយនាំខ្លួនជនសង្ស័យ បញ្ជូនមកអធិកាដ្ឋាននគរបាលស្រុកព្រៃនប់ ដើម្បីធ្វើការសាកសួរ និងកសាងសំណុំរឿងតាមនីតិវិធីច្បាប់៕
