ភ្នំពេញ៖ នៅថ្ងៃទី១៦ ខែឧសភា ឆ្នាំ២០២៤ កម្លាំងជំនាញព្រហ្មទណ្ឌ សហការជាមួយកម្លាំងប៉ុស្ដិ៍នគរបាលរដ្ឋបាលបឹងកេងកងទី១ បានធ្វើការឃាត់ខ្លួនជនសង្ស័យម្នាក់ ពាក់ព័ន្ធករណីលួចយកម៉ូតូ ប្រព្រឹត្តនៅចំណុចមុខហាងកាត់ដេរ Filament ផ្ទះលេខ៣២១ ផ្លូវ៦៣ សង្កាត់បឹងកេងកងទី១ ខណ្ឌបឹងកេងកង។
ជនសង្ស័យឈ្មោះ ហេង រតនា ភេទប្រុស ជនជាតិខ្មែរ ស្នាក់នៅមិនពិតប្រាកដ មុខរបរ មិនពិតប្រាកដ (គ្មានសារធាតុញៀន)។ វត្ថុតាងចាប់យក៖ម៉ូតូម៉ាកហុងថា សេ១២៥ ពណ៌ខ្មៅ សេរីឆ្នាំ២០១៩ ពាក់ផ្លាកលេខ កណ្តាល ១AD-០៥៩៤ ជារបស់ជនរងគ្រោះ, ទូរស័ព្ទម៉ាកណូគារអិនចុចពិល ពណ៌ខៀវ។ សមត្ថកិច្ចបានប្រគល់ឱ្យជនរងគ្រោះវិញតាមពាក្យស្នើសុំ។
បច្ចុប្បន្នជនសង្ស័យ និងវត្ថតាងខាងលើ កម្លាំងជំនាញកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕
ប្រភព៖ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានភ្នំពេញ
