ភ្នំពេញ៖ នៅថ្ងៃទី០៥ ខែឧសភា ឆ្នាំ២០២៤ នៅចំណុចបន្ទប់ជួល ផ្លូវបេតុង ភូមិដំណាក់ធំ៤ សង្កាត់ស្ទឹងមានជ័យ២ ខណ្ឌមានជ័យ កម្លាំងប៉ុស្តិ៍នគរបាលរដ្ឋបាលក្រាំងពង្រ បានស្រាវជ្រាវឃាត់ខ្លួនជនសង្ស័យចំនួន០២នាក់ ពាក់ព័ន្ធករណីលួចផ្លាកលេខរថយន្ត ប្រព្រឹត្តល្មើសកាលពីថ្ងៃទី០១ ខែឧសភា ឆ្នាំ២០២៤។
ឃាត់ខ្លួនជនសង្ស័យបានចំនួន០២នាក់៖
១.ឈ្មោះ ផាត ផាន់ណារ៉ូ ភេទប្រុស និង ២.ឈ្មោះ ហេង អានសុទ្ធារី ភេទប្រុស អនៅចំណុចបន្ទប់ជួល ផ្លូវបេតុង ភូមិដំណាក់ធំ៤ សង្កាត់ស្ទឹងមានជ័យទី០២ ខណ្ឌមានជ័យ។
វត្ថុតាងចាប់យក៖ ម៉ូតូម៉ាក SUZUKI STEP ពណ៌ផ្កាឈូក ពាក់ផ្លាកលេខ ភ្នំពេញ១FG-៦៩៧០ ទួណឺវីស ដងជ័រពណ៌ខ្មៅលាយលឿង។ សម្ភារបាត់បង់៖ ផ្លាកលេខរថយន្តលេខ ភ្នំពេញ ២BA-៧៨៣៩ ចំនួន០២(មុខ-ក្រោយ) ។
បច្ចុប្បន្នជនសង្ស័យ និងវត្ថុតាង សមត្ថកិច្ចកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕
ប្រភព៖ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានភ្នំពេញ
