ភ្នំពេញ៖ នៅថ្ងៃទី២៧ ខែមេសា ឆ្នាំ២០២៤ វេលាម៉ោងប្រហែល១១:១០នាទី កម្លាំងផ្នែកជំនាញ នៃអធិការដ្ឋាននគរបាលខណ្ឌទួលគោក បានស្រាវជ្រាវឃាត់ខ្លួនជនសង្ស័យចំនួន០១នាក់ពីបទកំហែងយក(ប្រើរូបជិះម៉ូតូបង្ករគ្រោះថ្នាក់ចរាចរណ៍រួចគំរាមកំហែងទារប្រាក់ពីជនរងគ្រោះអស់ចំនួន៩០,០០០៛(ប្រាំបួនម៉ឺនរៀល) ឃាត់ខ្លួននៅចំណុចមុខផ្ទះលេខ៥០៥Eo ផ្លូវលេខ១២៨ ក្រុមទី៧ ភូមិ៤ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ប្រព្រឹត្តបទល្មើសនៅចំណុចបណ្តោយផ្លូវលេខ៥៩២ កែងផ្លូវលេខ៣០៧ ក្រុមទី៥៣ ភូមិ១២ សង្កាត់បឹងកក់ទី២ ខណ្ឌទួលគោក រាជធានីភ្នំពេញ កាលពីថ្ងៃទី២៦ ខែមេសា ឆ្នាំ២០២៤ វេលាម៉ោងប្រហែល១៧:៤០នាទី។
ជនសង្ស័យមានឈ្មោះ ឡេង ប៉ឆាយ ហៅ ឆាយ ភេទប្រុស អាយុ៣១ឆ្នាំ ជនជាតិខ្មែរ មុខរបរ នៅផ្ទះ ស្នាក់នៅផ្ទះលេខ៥០៥Eo ផ្លូវលេខ១២៨ ក្រុមទី៧ ភូមិ៤ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។ វត្ថុតាងចាប់យកមានម៉ូតូ០១គ្រឿងម៉ាក Honda Cub ស៊េរី2005 ពណ៍ទឹកប៊ិច ពាក់ផ្លាកលេខ ភ្នំពេញ 1AP-0185 ដែលមានលេខតួ: 2706351 លេខម៉ាស៊ីន: 3106360 (ជាម៉ូតូរបស់ជនសង្ស័យរូបនេះជិះធ្វើសកម្មភាព)។
ជនរងគ្រោះមានឈ្មោះ ដេត ភេទស្រី អាយុ៥៣ឆ្នាំ ជនជាតិខ្មែរ មុខរបរ គ្រូបង្រៀន ស្នាក់នៅផ្ទះលេខ៦៥៩ ផ្លូវទន្លេសាប ក្រុមទី៥ ភូមិដើមគរ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ជាម្តាយក្មេងស្រីរងគ្រោះឈ្មោះ ម៉ូលីកា ភេទស្រី អាយុ១៦ឆ្នាំ ជនជាតិខ្មែរ មុខរបរ សិស្សថ្នាក់ទី១១ ស្នាក់នៅផ្ទះជាមួយម្ដាយឈ្មោះ ញ៉ែម លីដេត ។ សម្ភារ:បាត់បង់មានទឹកប្រាក់ចំនួន៩០,០០០៛ (ប្រាំបួនម៉ឺនរៀល) ជាប្រាក់ក្មេងស្រីរងគ្រោះឈ្មោៈសំអាត កែវម៉ូលីកា ដែលត្រូវជនសង្ស័យឈ្មោះ ឡេង ប៉ឆាយ ហៅ ឆាយ កំហែងយកក្នុងពេលកើតហេតុ) ។
បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីធ្វើការសាកសួរនិងចាត់ការបន្តតាមនីតិវិធី៕
ប្រភព៖ អធិការដ្ឋាននគរបាលខណ្ឌ ទួលគោក
