បាត់ដំបង៖ នាព្រឹកថ្ងៃសុក្រ ទី២៦ ខែមេសា ឆ្នាំ២០២៤ លោក ព្រួញ រិទ្ធថា ប្រធានមន្ទីរសាធារណការ និងដឹកជញ្ជូនខេត្តបាត់ដំបង បានដឹកនាំ មន្ត្រីរាជការ មន្ត្រីជាប់កិច្ចសន្យា ធ្វើតេស្តរកសាធារធាតុញៀនគ្រឿងញៀន នៅសាលប្រជុំអគារ E សាលាខេត្តបាត់ដំបង ស្របតាមបទបញ្ជាលេខ ០១ បប របស់រាជរដ្ឋាភិបាលកម្ពុជា ស្តីពីការដាក់ចេញវិធានការម៉ឺងម៉ាត់ក្នុងការប្រយុទ្ធប្រឆាំងនឹងគ្រឿងញៀនខុសច្បាប់ នៅតាមក្រសួង ស្ថាប័ន និងរដ្ឋបាលថ្នាក់ក្រោមជាតិ ដែលជាលទ្ធផលនៃការធ្វើតេស្ត គឺពុំមានមន្ត្រីរាជការ និងមន្ត្រីជាប់កិច្ចសន្យាណាម្នាក់មានសារធាតុញៀនឡើយ។
សូមបញ្ជាក់ផងដែរថា ចំពោះមន្ត្រីដែលត្រូវបានរកឃើញថាមានការប្រើប្រាស់គ្រឿងញៀនខុសច្បាប់ ឬមានសារធាតុញៀនគ្រឿងញៀន នឹងត្រូវបានចាត់វិធានការបញ្ចប់មុខតំណែង និងបណ្តេញចេញពីក្របខណ្ឌ ដោយអនុលោមតាមបទបញ្ជាលេខ ០១បប គឺជាការអនុវត្តគោលការណ៍ដឹកនាំ ‘’សម្អាតផ្ទះយើង’’ របស់ សម្តេចធិបតីនាយករដ្ឋមន្ត្រី ដើម្បីពង្រឹងធនធានមនុស្ស ប្រកបដោយភាពស្អាតស្អំ និងភាពជាគំរូនៃការអនុវត្តច្បាប់ ៕
ប្រភព៖ មន្ទីរសាធារណការ និងដឹកជញ្ជូន ខេត្តបាត់ដំបង
