ភ្នំពេញ៖ ឯកឧត្តមបណ្ឌិតសភាចារ្យ សុខ ទូច បានថ្លែងថា កម្ពុជាមានព្រែកជីកច្រើន ណាស់តាំងតែពីសម័យដូនតារបស់យើងមក ក្នុងនេះដូចជាព្រែកជីកតាខ្មៅ ព្រែកជីកតាអុង ព្រែកជីកតាទែនជាដើម។ ចំណែកប្រទេសវៀតណាម និងប្រទេសខាងលើដទៃទៀត ដែលមានវារីអគ្គិសនី។ទាំងអស់នេះតើអ្នកបានគិតទេ! អ្នកបានដឹងទេ! កម្ពុជាគ្រាន់តែ ជីកព្រែកជីហ្វូនណនមួយ មិនស្មើការធ្វើវារីអគ្គិសនីខាងលើនោះទេ។
ការថ្លែងពីសំណាក់ឯកឧត្តមបណ្ឌិត សុខ ទូច នេះ ធ្វើឡើងក្នុងសន្និសីទសារព័ត៌មាន នាល្ងាចថ្ងៃទី១០ ខែមេសា ឆ្នាំ២០២៤ នៅរាជបណ្ឌិតសភាកម្ពុជា។
ការថ្លែងពីសំណាក់ ឯកឧត្តមបណ្ឌិតសភាចារ្យ សុខ ទូចនេះដែរធ្វើឡើងដើម្បី ឆ្លើយតបទៅនឹង អត្ថបទស្រាវជ្រាវមួយសរសេរ ដោយវិទ្យាស្ថានអភិវឌ្ឍន៍ការស្រាវជ្រាវបូព៌ា (Oriental Research Development Institute) ប្រទេសវៀតណាម វាយប្រហារថា ព្រែកជីកហ្វូណនតេជោ មិនត្រឹមតែជាគម្រោងមួយដែលបម្រើឱ្យសេដ្ឋកិច្ច-សង្គមកម្ពុជា ប៉ុណ្ណោះទេ ក៏ប៉ុន្តែព្រែកជីកនេះក៏មានតម្លៃចម្បងបម្រើឱ្យវិស័យយោធារបស់ចិនទៀតផង។
ទាក់ទិនក្នុងរឿងនេះឯកឧត្តមបណ្ឌិតសភាចារ្យ សុខ ទូច បានថ្លែងថា” ត្រង់នេះគណៈកម្មាធិការទន្លេមេគង្គត្រូវគិតពិចារណា ពីបរិស្ថានផង។ចំណែកចំណុចមួយទៀត វៀតណាមក៏ត្រូវដឹងដែរថា វៀតណាមដឹកស្រូវនឹងអ្វី ប្រទេសវៀតណាមជាប្រទេសនាំវិស័យកសិកម្មផ្នែកស្រូវហ្នឹងច្រើនជាងគេ។ តើគាត់ធ្វើអ្វី0x017d7 គឺដឹកស្រូវនឹងទូក មិនត្រឹមដឹកស្រូវនឹងទូកទេរស់នៅក្នុងទន្លេ រស់នៅនឹងបឹង។ តើទាំងអស់នោះបានមកអ្វីគឺបានមកពីការជីកប្រឡាយ ជីកព្រែក ដែលវៀតណាមបានធ្វើ តើវៀតណាមបានគិតទេ។ អីចឹង បើវៀតណាមសម្លឹងគេសូមសម្លឹងម្រាមដៃខ្លួនឯងផង។ កម្ពុជាមិនទាន់បានបំផ្លាញបរិស្ថានច្រើនទេ”។
ឯកឧត្តមបានថ្លែងដោយបញ្ជាក់ថា បញ្ហាជីកព្រែកហ្វូណនដែលមានការប្រឆាំងពីប្រទេស វៀតណាមគឹផ្តើមចេញមកពីកត្តាបីយ៉ាងណាគឺកត្តាភូមិសាស្ត្រនយោបាយ បញ្ហាសេដ្ឋកិច្ច និងទី៣ទិដ្ឋភាពសង្គម។
ជាមួយគ្នានេះ ឯកឧត្តមបណ្ឌិតសភាចារ្យ សុខ ទូចបានថ្លែងដោយបញ្ជាក់ថា ការព្រួយបារម្ភពីការជីកព្រែកហ្វូនណនតេជោពី សំណាក់ប្រទេសវៀតណាម គឺព្រួយបារម្ភពីកម្ពុជាមានព្រែកនេះទៅមានលំហាត់កងទ័ពជើងទឹកយើងល្អ គឺយើងអាចក កាយប្រវត្តិសាស្ត្រ ដឹកតម្លៃទំនិញទាប និងការព្រួយបារម្ភទី៣ គឺខ្មែរមិនទិញផលិតផលពីគេ ពីព្រោះកាលណាមានទឹកខ្មែរអាចផលិតបានក្នុងនេះដូចជាកាលណាមានទឹកគឺមានអ្វីៗទាំងអស់។ចំណែកការព្រួយបារម្ភមួយទៀត គឺការប្រកួតប្រជែងលើការដឹកទំនិញ តាមផ្លូវទឹកជាដើម។
ឯកឧត្តមបណ្ឌិតសភាចារ្យ សុខ ទូច បញ្ជាក់បន្ថែមថា៖ ”ពួកគេព្រួយបារម្ភ នៅពេលកម្ពុជាមានព្រែកជីកគឺយើងនឹងមានផ្លូវទឹកល្អ ! ហេតុនេះខ្មែរជួយគ្នា ខ្មែររួបរួមគ្នា កុំខ្ចីដង្ហើមគេដក”។
ទោះបីយ៉ាងណា ឯកឧត្តមបានលើកឡើងដោយបញ្ជាក់ផងថា៖ក្នុងនាមជាកូនខ្មែរ និងឯកឧត្តមជាអ្នកស្រាវជ្រាវមួយរូប ឯកឧត្តមជឿជាក់ថាបើយើងរួមរួមគ្នាយើងនឹងធ្វើបាន ហើយបើកាលណាធ្វើបានយើងនឹងមានផែទឹកជ្រៅយើងអាចដឹកទំនិញចេញចូលបានងាយស្រួល។ ហេតុនេះបើចង់ឱ្យសេដ្ឋកិច្ចយើងដើរ ចង់ឱ្យកសិកម្មយើងមានការ នាំចេញស្រួលយើងត្រូវការផែទឹកជ្រៅ យើងត្រូវការនាវាធំទើបអាច ជោគជ័យរបស់ទាំងអស់នេះ។
ទន្ទឹមជាមួយគ្នានេះឯកឧត្តមបណ្ឌិតសភាចារ្យ សុខ ទូច បានលើកឡើងដោយ មើលឃើញពីសំណាក់ប្រទេសវៀតណាមថា ប្រទេសមួយនេះ កំពុងតែមានចិត្តច្រណែន និងបារម្ភ ដែលរដ្ឋាភិបាលកម្ពុជា មានភាពស្និទ្ធស្នាលជាមួយរដ្ឋាភិបាលថៃ តាំងពីសម្តេច តេជោ ហ៊ុន សែន កាន់តំណែងមក”។
គួរបញ្ជាក់ថា តាមគម្រោងជីកព្រែកហ្វូណនតេជោនេះគឺជា ផ្លូវទឹកថ្មីទៅកាន់ សមុទ្រមានប្រវែង ១៨០គីឡូម៉ែត្រ ចាប់ពីព្រែកតាកែវ នៃទន្លេ មេគង្គ ឆ្លងកាត់តាមព្រែកតាឯក នៃទន្លេបាសាក់ ចូលតាមព្រែកតាហ៊ីងនៃទន្លេបាសាក់ ស្រុកកោះធំ និងបន្តរហូតដល់សមុទ្រ ខេត្តកែប ដោយឆ្លងកាត់ខេត្ត ៤ រួមមាន៖ ខេត្តកណ្តាល តាកែវ កំពត និងខេត្តកែប ដែលមានប្រជាជនសរុបប្រមាណ ១,៦លាននាក់ រស់នៅអមសងខាងផ្លូវទឹកនេះ។ ផ្លូវទឹកនេះ មានទទឹងមុខកាត់ផ្នែកខាងលើប្រវែង ១០០ម៉ែត្រ និងមុខកាត់ផ្នែកខាងក្រោម ប្រមាណ៨០ម៉ែត្រ និងជម្រៅទឹកប្រមាណ ៥,៤ម៉ែត្រ ( ជម្រៅនាវាចរណ៍ ៤,៧ម៉ែត្រ និងគម្លាតសុវត្ថិភាព ០,៧ម៉ែត្រ ) មានគន្លងនាវាចរណ៍ ចំនួន២គន្លង អាចចេញ-ចូល និងចៀសគ្នាបានដោយសុវត្ថិភាព៕
ប្រភព៖ AKP
