ព្រះសីហនុ៖ រដ្ឋបាលខេត្តព្រះសីហនុ សូមជូនដំណឹងដល់សាធារណជន ស្តីពីការបញ្ចៀសការកក ស្ទះចរាចរណ៍នៅតាមបណ្តោយផ្លូវមាត់ឆ្នេរសមុទ្រ គ្រោងចាប់ពីថ្ងៃពុធ ២កើត ខែចេត្រ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១០ ខែមេសា ឆ្នាំ២០២៤នេះ រដ្ឋបាលខេត្តព្រះសីហនុ នឹងរៀបចំលំហូរចរាចរណ៍ ក្នុងទិសដៅចាប់ពីឆ្នេរអូរឈើទាលឆ្ពោះទៅឆ្នេរអូរត្រេះ ដូចខាងក្រោម៖
– កំណាត់ទី១- ជាផ្លូវឯកទិស ដោយចាប់ពីចំណុចបន្ទប់ទឹកសាធារណៈទី១ រហូតដល់ប្រសព្វ វិថីកោះពូឡូវ៉ៃ ( ផ្លូវលេខ៣០០-កែងដំណាក់ស្តេច ) ។
– កំណាត់ទី២- ជាផ្លូវធ្វើចរាចរចណ៍ពីរទិស ដោយចាប់ពីចំណុចប្រសព្វវិថីកោះពូឡូវ៉ៃ (ផ្លូវលេខ៣០០-កែងដំណាក់ស្តេច) រហូតដល់ប្រសព្វផ្លូវលេខ៨៣៧-២ (ហួសហាងកាហ្វេ BROWN ប្រមាណ ៤០០ម៉ែត្រ) ចៀសវាងការធ្វើដំណើរវាងឆ្ងាយតាមផ្លូវ ៨៣៧ ក្រោយពយអូរឈើទាល ។
– កំណាត់ទី៣- ជាផ្លូវឯកទិស ដោយចាប់ពីចំណុចប្រសព្វផ្លូវលេខ ៨៣៧-២ (ហួសហាង កាហ្វេ BROWN) រហូតដល់ប្រសព្វផ្លូវលេខ ៨៣៧ ការរៀបចំលំហូរចរាចរណ៍នេះ គឺគ្រោងនឹងអនុវត្តន៍សាកល្បងចាប់ពីថ្ងៃទី១០ ខែមេសា ឆ្នាំ២០២៤នេះតទៅ ។ យើងខ្ញុំសូមធ្វើការអធ្យាស្រ័យទុកជាមុននូវរាល់ការខ្វះខាត ឬភាពមិនពេញលេញមួយចំនួន ក្នុងការរៀបចំលំហូរចរាចរណ៍នេះ ហើយនឹងធ្វើការរៀបចំបំពេញបន្ថែម នូវរាល់កង្វះខាតនានា តាមពេលក្រោយទៀត ។ អាស្រ័យហេតុនេះ សូមសាធារណជនទាំងអស់ ជ្រាបជាព័ត៌មាន និងចូលរួមសហការឱ្យបានល្អ ៕
ប្រភព៖ AKP
