កំពង់ស្ពឺ៖ អនុវត្ដតាមបទបញ្ជាលោកឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ និងការដឹកនាំផ្ទាល់ពីជំនាញអធិការដ្ឋាននគរបាលក្រុងច្បារមន នៅថ្ងៃទី២២-០៣-២០២៤ ត្រង់ចំណុចភូមិកាប់ទូក សង្កាត់កណ្តោលដុំ ក្រុងច្បារមន ខេត្តកំពង់ស្ពឺ កំលាំងនគរបាលបានស្រាវជ្រាវនិងបង្ក្រាបបានមុខសញ្ញាសង្ស័យចំនួន ០៤នាក់៖
១-សុខ ផល្លី ហៅ ភាច ប្រុស ៤២ឆ្នាំ នៅភូមិកាប់ទូក សង្កាត់កណ្តោលដុំ ក្រុងច្បារមន
២-ហុឹម សុខហាន ប្រុស ២៨ឆ្នាំ ភូមិពង្រ សង្កាត់កណ្តោលដុំ ក្រុងច្បារមន
៣-អុឹម អូនវង ប្រុស ៣២ឆ្នាំ នៅភូមិផ្សារសាមគ្គី សង្កាត់កណ្តោលដុំ ក្រុងច្បារមន
៤-សាន វិចិត្រ ប្រុស ៤០ឆ្នាំ នៅភូមិកាប់ទូក សង្កាត់កណ្តោលដុំ ក្រុងច្បារមន
ដកហូតវត្ថុតាងរួមមាន៖
១.ម្សៅក្រាមពណ៌សថ្លាសង្ស័យថា គ្រឿងញៀនចំនួន ២៣កញ្ចប់( ធំ ១កញ្ចប់,មធ្យម ៥កញ្ចប់ និងតូច ចំនួន ១៧កញ្ចប់) ។
២.ម្ស៉ៅមត់ ព័ណ៌ ស សង្ស័យថា គ្រឿងញៀន ២កញ្ចប់ តូច។
៣.ថ្នាំគ្រាប់ ព័ណ៌ស លាយផ្កាឈូក ១កញ្ចប់ មាន ២គ្រាប់។
៤.កញ្ចប់ម្ស៉ៅផ្លាស្ទិច ៤កញ្ចប់( ព័ណ៌ទឹកក្រូច ២ កញ្ចប់ និងព័ណ៌ខៀវ ២កញ្ចប់ )
៥.ទូរស័ព្ទដៃ ចំនួន ០៣គ្រឿង ( អូប៉ូ ០២គ្រឿង ព័ណ៌ស ០១,ខៀវ ០១ និងម៉ាក វីវ៉ូ ព័ណ៌ខ្មៅ ០១គ្រឿង )
៦.ម៉ូតូ ហុងដាឌ្រីម សេ125 ព័ណ៌ខ្មៅ បិទស្កុត លាយទឹកប្រាក់ ពាក់ស្លាកលេខ: កំពង់ស្ពឺ 1A-4495 លេខតួ និងលេខម៉ាស៊ីន ND125 ME.8137458។
៧.ក្រដាសប្រាក់ដុល្លានិងរៀល ជា ប្រភេទក្រដាស 100$ ចំនួន 35សន្លឹក=3500$ ក្រដាស 50$ ចំនួន 1សន្លឹក=50$ ក្រដាស 10$ ចំនួន 10 សន្លឹក=100$ និងប្រភេទ ក្រដាសប្រាក់រៀល ក្រដាស 1ម៉ឺន 13សន្លឹក=130000រៀល សុទ្ធតែជាក្រដាសលុយសម្រាប់សែន ។
៨.ឧបករណ៍ប្រើប្រាស់ សម្ភារ: វ៉ិចខ្ចប់មួយចំនួន។
បច្ចុប្បន្នជំនាញអធិការដ្ឋាននគរបាលក្រុងច្បារមន បានកំពុងដំណេីរការសាកសួរបំពេញនីតិវិធី បញ្ជូនទៅ ការិយាល័យប្រឆាំងបទល្មេីសគ្រឿងញៀនខេត្តកំពង់ស្ពឺ ចំណាត់ការនីតិវិធីបន្ដ៕
