កំពង់ស្ពឺ៖ នៅថ្ងៃទី១៤ ខែតុលា ឆ្នាំ២០២៣ វេលាម៉ោង ០៩ និង៣០នាទី កម្លាំងការពារសន្ដិសុខ សណ្ដាប់ធ្នាប់តាមដងផ្លូវជាតិលេខ៥១ ចំណុចភូមិអង្គតាឡឹក ឃុំសំបូរ ស្រុកសំរោងទង បានប្រតិបតិ្ដការឃាត់ម៉ូតូ១គ្រឿង ម៉ាកអុិចសាយទ័រ ពណក្រហម គ្មានផ្លាកលេខ បំពាក់បំពង់ស៊ីមាំងកែច្នៃ ដឹកជញ្ជូនគ្រឿងរំសេវផ្ទុះមួយចំនួនគ្រោងយកទៅបំផ្ទុះនៅតាមភូមិ យប់ថៃ្ងបញ្ចប់បុណ្យភ្ជុំបិណ្ឌ។
អ្នកបើកបរឈ្មោះ ព្រំ រ៉ាវី ភេទប្រុស អាយុ២០ឆ្នាំ រស់នៅភូមិកប់ចិន ឃុំសំបូរ ស្រុកសំរោងទង ឌុបមនុស្ស១នាក់ឈ្មោះ អុក លាងយី ភេទប្រុស អាយុ១៨ឆ្នាំ រស់នៅភូមិតាពរ ឃុំសំបូរ ស្រុកសំរោងទង។ បច្ចុប្បន្នអ្នកទាំងពីរជំនាញកំពុងសាកសួរធ្វើកិច្ចសន្យាអប់រំនឹងប្រគល់ជូនអាណាព្យាបាលអប់រំបន្ត៕
ប្រភព៖ ស្នងការដ្ឋាននគរបាលខេត្តកំពង់ស្ពឺ
