ភ្នំពេញ៖ នៅថ្ងៃទី៦ ខែតុលា ឆ្នាំ២០២៣ វេលាម៉ោង ០៤ម៉៣០នាទី រសៀល កម្លាំងប៉ុស្តិ៍នគរបាលរដ្ឋបាលស្ទឹងមានជ័យ៣ បានចុះល្បាតត្រួតពិនិត្យក្នុងភូមិសាស្ត្រមូលដ្ឋាន ដល់ចំណុច ផ្លូវបេតុង ភូមិឬស្សី២ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ (ចំណុចកើតហេតុ) ឃើញជនសង្ស័យ ០៤នាក់ កំពុងអង្គុយជិតម៉ូតូ ០២គ្រឿង ដោយមានការសង្ស័យបានហៅធ្វើការត្រួតពិនិត្យប្រទះឃើញក្រាមពណ៌សថ្លាចំនួន ០៦ កញ្ចប់ថង់តូច និង ០១កញ្ចប់ថង់ធំល្មម លាក់ទុកក្នុងកាបូបតូចពណ៌បៃតង ថ្ពក់នឹងសោរម៉ូតូ និងឃើញមានឧបករណ៍ប្រើប្រាស់គ្រឿងញៀនក្នុងកាបូបស្ពាយពីក្រោយ របស់ ឈ្មោះ ចា ពៅហើយក៏ឃាត់ខ្លួនជនសង្ស័យ ទាំង ០៤ នាក់យកមកធ្វើការសាកសួរនៅប៉ុស្តិ៍នគរបាលរដ្ឋបាលស្ទឹងមានជ័យ៣ តែម្ដង។
ជនសង្ស័យ
១,ឈ្មោះ ចា ពៅ ភេទប្រុស អាយុ ៣៧ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះជួល ភូមិ៥ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ (ឃាត់ខ្លួន)។
២,ឈ្មោះ ឈិន ចាន់ដារ៉ាវី ភេទប្រុស អាយុ ៣៥ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះជួល ភូមិ៥ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ (ឃាត់ខ្លួន)។
៣,ឈ្មោះ បាន ទីទី ភេទប្រុស អាយុ ៣១ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះជួល ភូមិ៥ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ (ឃាត់ខ្លួន)។
៤,ឈ្មោះ យិន គឹមហ៊ួរ ភេទប្រុស អាយុ ៣៦ឆ្នាំ ជនជាតិខ្មែរ មុខរបរ ជាងឈើ ស្នាក់នៅផ្ទះជួល ភូមិ៥ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ (ឃាត់ខ្លួន)។
វត្ថុតាងចាប់យកមាន
១-ក្រាមពណ៌សថ្លា ចំនួន ០៧កញ្ចប់ (០៦កញ្ចប់ថង់តូច និង ០១ កញ្ចប់ថង់ធំល្មម)
២-ម៉ូតូ ០២ គ្រឿង
៣-ទូរស័ព្ទចំនួន ០៧ គ្រឿង
៤-កូនថង់ផ្លាស្ទិច និងឧបករណ៍ប្រើប្រាស់គ្រឿងញៀន៕
ប្រភព៖ ផែនប្រឆាំងបទល្មើសគ្រឿងញៀននៃអធិការដ្ឋាននគរបាលខណ្ឌមានជ័យ
