កំពង់ចាម៖ ទូក២គ្រឿងដែលធ្លាប់ចម្លងអ្នកធ្វើដំណើរនៅចំណុចភូមិកោះប្រលូង ឃុំកោះមិត្ត ជាប់និងភូមិទី១០ ឃុំកោះសូទិន ខេត្តកំពង់ចាមបានឈប់ចម្លងអ្នកធ្វើដំណើរ ដោយសារនៅតំបន់នោះទឹកទន្លេបានស្រកចុះ និងកំណាត់ផ្លូវខ្លះ គឺអាចម៉ូតូ ឬរថយន្តតូចៗអាចធ្វើដំណើរឆ្លងកាត់បាន។
ជាមួយគ្នានេះនៅបិណ្ឌទី៧ត្រូវនឹងថ្ងៃទី០៦ខែតុលាឆ្នាំ២០២៣នេះដែរស្ថានភាពទឹកទន្លេមេគង្គខេត្តកំពង់ចាមបានបន្តស្រកចុះបន្តិចទៀតនៅកម្ពស់១២,២៦ម៉ែត្រ បើ ធៀបទៅនឹងថ្ងៃម្សិលមិញទឹកស្រក០,២៤ម៉ែត្រ ហើយចំណុចប្រកាសប្រុងប្រយ័ត្នគឺកម្ពស់ ១៥.២០ម៉ែត្រ។ ដោយឡែកកម្ពស់ទឹកនាពេលនេះធៀបទៅឆ្នាំ២០២២ ទឹកទន្លេមានកម្ពស់ ១៣,៧៤ម៉ែត្រ នេះបើតាមការបញ្ជាក់ពីលោក អ៊ុម វិបុល ប្រធានមន្ទីរធនធានទឹក និងឧត្តុនិយម ខេត្តកំពង់ចាម។
ស្របពេលរដូវទឹកតំឡើងនេះដែរជារៀងរាល់ឆ្នាំរដ្ឋបាលខេត្តកំពង់ចាមតែងតែចេញសេចក្តីប្រកាសព័ត៌មានទៅដល់មន្ទីរអង្គភាពពាក់ ព័ន្ធទាំងអស់ត្រូវត្រៀមលក្ខណៈចុះជួយសង្គ្រោះទៅដល់បងប្អូនប្រជាពលរដ្ឋ ក៏ដូចជួយទៅ ដល់សត្វពាហៈនៈទៅកាន់ទីទួលសុវត្ថិភាពជាដើមដែលរងផលប៉ះពាល់ដោយទឹកទន្លេមេគង្គ៕
ប្រភព៖ មន្ទីរព័ត៌មាន ខេត្តកំពង់ចាម
