ភ្នំពេញ៖ នគរបាលការិយាល័យប្រឆាំងការជួញដូរនឹងការពារអនិតិជននៃស្នងការដ្ឋាននគរបាលរាជធានីភ្នំពេញ អនុវត្តតាមបទបញ្ជាផ្ទាល់ពី ឯកឧត្តម ឧត្តមសេនីយ៍ទោ ជួន ណារិន្ទ អគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញ បានធ្វើការស្រាវជ្រាវស៊ើបអង្កតបានបង្គ្រាបករណីទិញពេស្យាចារលើកុមារ ហើយបានធ្វើឃាត់ខ្លួនលើជនសង្ស័យមួយរូបឈ្មោះ ស្តេ វិន ជនជាតិស្វីស ហើយបានរំដោះកុមាររង់គ្រោះចំនួន៣នាក់បញ្ជូនទៅសង្គមកិច្ច។ ការឃាត់ខ្លួននោះគឺបានធ្វើឡើងនៅចំណុចផ្ទះជួលលេខ៣៦ ៣៨ ផ្លូវរុងរឿង សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។
ផែនការងារប្រឆាំងការជួញដូរមនុស្ស និងការពារអនីតិជន និងការងារយេនឌ័រ បានធ្វើលិខិត សំណើសុំបញ្ជូនសំណុំរឿងទៅសាលាដំបូងរាជធានីភ្នំពេញ និង ជនសង្ស័យចំនួន ម្នាក់ ៖ ឈ្មោះ STEPHAN WERNER ហៅ ស្ពៃចិន ភេទ ប្រុស អាយុ ៥៧ឆ្នាំ ជនជាតិ ស្វីស លិខិតឆ្លងដែនលេខ X1299315 ដែលបានឃាត់ខ្លួនកាលពីថ្ងៃទី២៦ ខែកញ្ញា ឆ្នាំ២០២៣ តាមបញ្ជាលោក ស៊ិត វណ្ណៈ ព្រះរាជអាជ្ញារងអមសាលាដំបូងរាជធានីភ្នំពេញ ។
លិខិតបានបញ្ជាក់ថា យោង- តាមពាក្យបណ្ដឹងរបស់ឈ្មោះ សៅ សម្បត្តិ ភេទ ប្រុស អាយុ ៣៥ឆ្នាំ មានទីលំនៅបច្ចុប្បន្ន ផ្ទះលេខ ៥៥៦ ផ្លូវរ៉ាដា ភូមិទំនប់ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ចុះថ្ងៃទី២៨ ខែកក្កដា ឆ្នាំ២០២៣ (មន្ត្រីមន្ទីរសង្គមកិច្ច) ដែលបានប្តឹងទៅលើឈ្មោះ STEPHAN WERNER ហៅ ស្ពៃចិន ភេទ ប្រុស ដែលបានបៀតបៀនលើ ក្មេងស្រី អាយុ ៤ឆ្នាំ ជនជាតិខ្មែរ ។
ក្រោយពីទទួលពាក្យបណ្តឹង ការិយាល័យបានធ្វើលិខិត គោរពស្នើសុំបើកស៊ើបអង្កេតបឋមទៅ ឯកឧត្ដម ព្រះរាជអាជ្ញាសាលាដំបូងរាជធានីភ្នំពេញ ។ រហូតដល់ថ្ងៃទី២៥ ខែ កញ្ញា ឆ្នាំ២០២៣ ឯកឧត្តម ច្រឹង ខ្មៅ បានចំណារឯកភាពលើសំណើសុំបើកស៊ើបអង្កេតបឋមខាងលើ បន្ទាប់ពី ការិយាល័យទទួលបានចំណារឯកភាពរួចមក នៅថ្ងៃទី២៥ ខែកញ្ញា ឆ្នាំ២០២៣ ផែនបានចេញលិខិតកោះហៅឈ្មោះ STEPHAN WERNER ហៅ ស្ពៃចិន ភេទ ប្រុស អាយុ ៥៧ឆ្នាំ ជនជាតិ ស្វីស លិខិតឆ្លងដែនលេខ X1299315 ដើម្បីចូលមកកាន់ការិយាល័យធ្វើបំភ្លឺលើបណ្តឹងរបស់ឈ្មោះ សៅ សម្បត្តិ នៅថ្ងៃទី២៦ ខែកញ្ញា ឆ្នាំ២០២៣ វេលាម៉ោង ៩ព្រឹក ។
លុះមកដល់ថ្ងៃទី២៦ ខែកញ្ញា ឆ្នាំ២០២៣ វេលាម៉ោង ៩ព្រឹក ឈ្មោះ ឃិត សុខាំង បាននាំឈ្មោះ STEPHAN WERNER មកប្រគល់ឲ្យការិយាល័យ ក្នុងនោះការិយាល័យបានធ្វើការសាកសួរឈ្មោះ STEPHAN WERNER ហៅ ស្ពៃ ចិន ហើយឈ្មោះ STEPHANWERNER ហៅ ស្ពៃចិន បានសារភាពថាខ្លួនពិតជាបាននាំយកក្មេងស្រីនោះ ទៅដើរលេងជាច្រើន កន្លែងនៅទីក្រុងភ្នំពេញ និងធ្លាប់នាំទៅដេកលេងនៅផ្ទះរបស់គាត់ជាច្រើនលើកផងដែរ ព្រមទាំងបានផ្តល់លុយទៅឲ្យ ជីតារបស់ក្មេងស្រី ក្នុងមួយខែ១៥០ដុល្លា ។
ក្រោយពីធ្វើការសាកសួរចប់ ការិយាល័យបាន សុំគោលការណ៍ពីលោក ស៊ិត វណ្ណៈ ព្រះរាជអាជ្ញារងអមសាលាដំបូងរាជធានីភ្នំពេញ តាមរយៈទូរស័ព្ទលេខ ០១៧ ៣៩ ៣៣ ៧៨ ដើម្បីសុំធ្វើការឃាត់ខ្លួន ឈ្មោះ STEPHAN WERNER ហៅ ស្ពៃចិន ភេទ ប្រុស អាយុ ៥៨ឆ្នាំ ជន ជាតិ ស្វីស ហើយក៏បានឯកភាពពី លោក ស៊ិត វណ្ណៈ ព្រះរាជអាជ្ញារងអមសាលាដំបូងរាជធានីភ្នំពេញ ឲ្យធ្វើ ការ ឃាត់ខ្លួនឈ្មោះ STEPHAN_WERNER ហៅ ស្ពៃចិន ដើម្បីកសាងសំណុំរឿងបញ្ជូនទៅ សាលាដំបូងរាជធានីភ្នំពេញ ចាត់ការបន្តតាមនីតិវិធី ។
បច្ចុប្បន្នការិយាល័យកសាងសំណុំរឿង បញ្ជូនជនសង្ស័យ និងវត្ថុតាងទៅកាន់សាលាដំបូងរាជធានី ភ្នំពេញ ចំណែកកុមាររងគ្រោះចំនួន ០២នាក់ ប្រុស អនីតិជន បញ្ចូនទៅមន្ទីរសង្គមកិច្ចរាជធានីភ្នំពេញ៕
ប្រភព៖ នាយកដ្ឋានផ្សព្វផ្សាយអប់រំ
