ភ្នំពេញ៖ កាលពីម៉ោងប្រមាណ ១០យប់ ថ្ងៃទី២៨ ខែកញ្ញា ឆ្នាំ២០២៣ មានករណីគ្រោះថ្នាក់ចរាចរណ៍មួយបានកើតឡើងនៅចំនុចផ្លូវ៦១៦ កែងផ្លូវ១៥៩(បឹងកក់) សង្កាត់ស្រះចក ខណ្ឌដូនពេញ រាជធានីភ្នំពេញ។
តាមប្រភពពីកន្លែងកើតហេតុបានអោយដឹងថា មានបុរសជនជាតិចិនម្នាក់បេីករថយន្ដសេរីទំនើប ALPHARD ពណ៌ខ្មៅ ភ្នំពេញ ភ្នំពេញ 2CA-9878 បេីកបុកជាមួយម៉ូតូHUNDA WINER ពាក់ស្លាកលេខ ភ្នំពេញ 1BD-6208 ត្រង់ចំណុចផ្លូវបំបែកជាបួនបណ្ដាលឲ្យមនុស្សប្រុសស្រីពីរនាក់រងរបួសធ្ងន់បញ្ជូនទៅមន្ទីរពេទ្យ។
ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញចុះមកវាស់វែងយករថយន្ដ និងម៉ូតូទៅរក្សាទុក្ខរង់ចាំការដោះស្រាយនៅពេលក្រោយ។រីឯតៃកុងរថយន្ដសមត្ថកិច្ចឃាត់ខ្លួនយកទៅប៉ុស្តិ៍ជាបណ្ដោះអាសន្ន៕
