ភ្នំពេញ៖ កាលពីម៉ោងប្រមាណ១:៣០នាទី រំលងអាធ្រាត្រឈានចូល ថ្ងៃទី២៦ ខែកញ្ញា ឆ្នាំ២០២៣ មានករណីគ្រោះថ្នាក់ចរាចរណ៍មួយបានកើតឡើងនៅចំនុចបណ្ដោយមហាវិថីចោមចៅ(វេងស្រេង) សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។
តាមប្រភពពីកន្លែងកើតហេតុបានអោយដឹងថា មានបុរសម្នាក់បេីករថយន្ដសេរីទំនើប Ford Raptor ពាក់ស្លាកលេខ ភ្នំពេញ 2BZ-1988 បេីករ៉េចង្កូតបុកឡេីងខឿនពុះចែកទ្រូងផ្លូវ រួចជ្រុលទៅបុកបង្គោលផ្លាក់ប៉ាណូបណ្ដាលឲ្យបាក់រលំដល់ដីរីឯរថយន្តរងការខូចខាតយ៉ាងដំណំ។ ក្រោយកើតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញចុះមកវាស់វែងយករថយន្តទៅរក្សាទុករងចាំការដោះស្រាយនៅពេលក្រោយ៕
