សៀមរាប៖ នៅថ្ងៃទី២០ ខែកញ្ញា ឆ្នាំ២០២៣ វេលាម៉ោង០១ និង៣០នាទី កម្លាំងនគរបាលនៃអធិការដ្ឋាននគរបាលក្រុងសៀមរាប បានឃាត់ខ្លួនជនសង្ស័យចំនួន ០១នាក់ ពាក់ព័ន្ធករណី អំពើលួច (លួចកាត់ខ្សែភ្លើង) នៅចំណុចផ្លូវក្រវ៉ាត់ក្រុង ស្ថិតនៅក្នុងភូមិថ្នល់ សង្កាត់ស្រង៉ែ ក្រុងសៀមរាប ខេត្តសៀមរាប ។
ក្រោយពីបានទទួលពាក្យបណ្ដឹងពីជនរងគ្រោះឈ្មោះ យុទ្ធ ធា ភេទ ប្រុស អាយុ ៤៧ឆ្នាំ មុខរបរបុគ្គលិកក្រុមហ៊ុនថែរក្សាភ្លើង រស់នៅភូមិទឹកវិល សង្កាត់ទឹកវិល ក្រុងសៀមរាប ខេត្តសៀមរាប ។
កម្លាំងជំនាញ នៃអធិដ្ឋាននគរបាលក្រុងសៀមរាប បានចុះធ្វើការស៊ើបអង្កេត ស្រាវជ្រាវ រហូតឈានដល់ការឃាត់ខ្លួនជនសង្ស័យចំនួន ០១នាក់ ឈ្មោះ ហោ ហ៊ាន ភេទប្រុស អាយុ ៤៩ឆ្នាំ មុខរបរ សន្តិសុខ មានទីលំនៅបច្ចុប្បន្ននៅភូមិគោកដូង សង្កាត់ទឹកវិល ក្រុងសៀមរាប ខេត្តសៀមរាប ។
តាមចម្លើយសារភាពនៅចំពោះមុខសមត្ថកិច្ច ជនសង្ស័យខាងលើបានសារភាពថា ខ្លួនពិតជាបានធ្វើសកម្មភាព លួចកាត់ខ្សែភ្លើង ពិតប្រាកដមែន ។
វត្ថុតាងដកហូតរួមមាន:
– កូនសោកែច្នៃសម្រាប់ដោះប្រអប់ភ្លើងមួយចំនួន
– ទួរណឺវីសចំនួន ០១
– កន្ត្រៃដងក្រហមចំនួន ០១
– កូនកាំបិតកាត់ខ្សែភ្លើងចំនួន ០១
– ប៉ិចសម្រាប់វាស់ភ្លើងចំនួន ០១
– ការ៉ុងចំនួន ០១
– ម៉ូតូជិះធ្វើសកម្មភាពចំនួន ០១ គ្រឿង ។
ជនសង្ស័យព្រមទាំងវត្ថុតាងត្រូវបានកម្លាំងការិយាល័យជំនាញកសាងសំណុំរឿងបញ្ជូនទៅសាលាដំបូងខេត្តសៀមរាប ៕
ប្រភព៖ អគ្គស្នងការដ្ឋាននគរបាលជាតិ
