កោះកុង៖ ដោយមានចង្អុលបង្ហាញពីលោកឧត្តមសេនីយ៍ទោ គង់ មនោ ស្នងការនគរបាលខេត្តកោះកុង និងមានការបញ្ជាផ្ទាល់ដោយលោកវរសេនីយ៍ឯក លឹម សែងច័ន្ទ អធិការនគរបាលស្រុក នៅថ្ងៃទី ០៩ ខែកញ្ញា ឆ្នាំ២០២៣ វេលាម៉ោង១១:០២នាទីយប់ កម្លាំងនគរបាលនៃអធិការដ្ឋានស្រុក បានល្បាតក្នុងភូមិសាស្ត្រ លុះដល់ចំណុចមុខផែស្ងួតនាងកុក ក៏បានជួបបុរសគួរអោយសង្ស័យ ឈ្មោះ ហ៊ាង ចែម ភេទប្រុស អាយុ៣៧ មានទីលំនៅភូមិចាំយាម ឃុំប៉ាក់ខ្លង ស្រុកមណ្ឌលសីមា ខេត្តកោះកុង បានឆែកឆេរឃើញ ម្សៅក្រាមសថ្លាសង្ស័យសារធាតុញៀនចំនួន ១១កំណាត់ទុយោ នឹង១កញ្ចប់តូច, ទូរស័ព្ទ ចំនួន ៥គ្រឿង (ខូច ៣គ្រឿង), ដែកកេះចំនួន២ ឧបករណ៍សម្រាប់ជក់មួយចំនួន៕
ប្រភព៖ អធិការដ្ឋាននគរបាលស្រុកមណ្ឌលសីមា
