ព្រះសីហនុ៖ មានគ្រោះថ្នាក់ចរាចរណ៍ រវាងម៉ូតូនិងម៉ូតូ បណ្តាលឲ្យមនុស្សម្នាក់ស្លាប់ និងរង របួសធ្ងន់០២នាក់ នៅចន្លោះបង្គោលគីឡូម៉ែត្រ ១៦៦-១៦៧ លើផ្លូវជាតិលេខ៤ ភូមិតានៃ ឃុំតានៃ ព្រៃនប់ ព្រះសីហនុ កាលពីម៉ោងជិត១០យប់ថ្ងៃទី៤ ខែសីហា ឆ្នាំ២០២៣ ។
បើតាមសមត្ថកិច្ចបញ្ជាក់ថា គ្រោះថ្នាក់ចរាចរណ៍នេះកើតឡើង រវាង ម៉ូតូ ០១គ្រឿងម៉ាក YAHAMA SIRIUS ពណ៌សលាយខ្មៅ គ្មានពាក់ផ្លាកលេខដែលមានទិសដៅពីខេត្តព្រះសីហនុឆ្ពោះទៅ រាជធានីភ្នំពេញ បើកបរដោយឈ្មោះ ជា រ៉ាវ៉ាត់ ភេទប្រុស អាយុ១៩ឆ្នាំមុខរបរកម្មកររោងចក្រ មានទីលំនៅភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ បានបុកជាមួយម៉ូតូ ០១គ្រឿងទៀតម៉ាក HONDA DREAM ពណ៌ខ្មៅ ពាក់ផ្លាកលេខ កំពង់ចាម 1B-1208 ដែលមានទិសដៅផ្ទុយគ្នាបើកបរដោយឈ្មោះហេង លីហ័ន ភេទប្រុស អាយុ១៨ឆ្នាំ មុខរបរកម្មករដូងប្រេង និងអ្នករួមដំណើរចំនួន ០១នាក់ ឈ្មោះ រឿន គុយ ភេទប្រុស អាយុ១៨ឆ្នាំមុខរបរកម្មករដូងប្រេង អ្នកទាំង០២មានទីលំនៅភូមិតាពៅ ឃុំតានៃ ស្រុកព្រៃនប់ ខេត្តព្រះសីហនុ ។ ជនរងគ្រោះរួមមាន៖
១.ឈ្មោះ ជា រ៉ាវ៉ាត់ ភេទប្រុស អ្នកបើកបរម៉ូតូម៉ាក SIRIUS (ស្លា..ប់នៅកន្លែងកើតហេតុ)
២.ឈ្មោះ ហេង លីហ័ន ភេទប្រុស អ្នកបើកបរម៉ូតូម៉ាក DREAM(រងរបួសធ្ងន់ បញ្ជូនទៅសង្គ្រោះបន្ទាន់នៅមន្ទីរពេទ្យរាជធានីភ្នំពេញ)។
៣.ឈ្មោះ រឿន គុយ ភេទប្រុស អ្នករួមដំណើរម៉ូតូម៉ាក DREAM រងរបួសបាក់ជើងខាងឆ្វេងសម្រាកព្យាបាលនៅគ្លីនិចឯកជន វាលរេញ។
វត្ថុតាង(ម៉ូតូ) នគរបាលបានយកមករក្សាទុកជាបណ្ដោះអាសន្ននៅអធិការដ្ឋាននគរបាលស្រុកព្រៃនប់ ដើម្បីបន្ដនិតិវិធី៕
ប្រភព៖ Huy Bunleng News
