ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ណែនាំអោយត្រៀមរថយន្តក្រុង ដើម្បីដឹកជញ្ជូនបងប្អូនប្រជាពលរដ្ឋយើងទៅកាន់បណ្តាខេត្តនានា ក្នុងឱកាសនៃពិធីបុណ្យភ្ជុំបិណ្ឌ

កណ្តាល៖ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានណែនាំឱ្យឯកឧត្តមអភិបាលរាជធានីភ្នំពេញ ត្រៀមរថយន្តក្រុង ដើម្បីដឹកជញ្ជូនបងប្អូនប្រជាពលរដ្ឋយើងទៅកាន់បណ្តាខេត្តនានា ក្នុងឱកាសនៃពិធីបុណ្យភ្ជុំបិណ្ឌ នាពេលខាងមុខ។

ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បានលើកឡើងដូច្នេះ នាព្រឹកថ្ងៃទី០១ ខែកញ្ញា ឆ្នាំ២០២៣ ក្នុងឱកាសអញ្ជើញចុះជួបសំណេះសំណាលជាមួយបងប្អូនកម្មករ និយោជិត តាមរោងចក្រ សហគ្រាស ប្រមាណ ១៨ ០០០នាក់ នៅភូមិកោះគរ សង្កាត់រកាខ្ពស់ ក្រុងតាខ្មៅ ខេត្តកណ្តាល៕

ប្រភព៖ AKP