ភ្នំពេញ៖ នៅថ្ងៃទី២២ ខែឧសភា ឆ្នាំ២០២៣ វេលាម៉ោង២០៖៤០នាទី លោកឧត្តមសេនីយ៍ត្រី ប៊ុត វណ្ណារដ្ឋ បានដឹកនាំកម្លាំងជំនាញការិយាល័យព្រហ្មទណ្ឌកម្រិតស្រាល ដែលមានលោកវរសេនីយ៍ឯក ឡេង ប៊ុនហួរ ជានាយការិយាល័យ ដោយមានការចូលរួមសហការពីលោកវរសេនីយ៍ទោ ប៊ុត ស៉ីម៉េង ចុះល្បាតតាមផ្លូវព្រះមុនីវង្ស ក្នុងសង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ក៏ប្រទះឃេីញជនសង្ស័យជិះម៉ូតូចំនួន០២គ្រឿង មានគ្នាចំនួន០២នាក់ បានធ្វេីសកម្មភាពឆក់ទូរស័ព្ទដៃពីបុរសរងគ្រោះ០៤នាក់ (ជាជនជាតិថៃ) ដែលកំពុងតែដេីរបានសម្រេច។
ភ្លាមនោះកម្លាំងជំនាញ ការិយាល័យធ្វេីការប្រដេញនឹងបានសហការជាមួយកម្លាំងជំនាញ នៃអធិការនគរបាលខណ្ឌបឹងកេងកងឃាត់ខ្លួនជនសង្ស័យបានទាំង០២នាក់ នៅចំណុចផ្លូវលំ ភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ ដែលមានឈ្មោះ៖
១. ឈ្មោះ ឡេង ដារ័ត្ន ភេទប្រុស អាយុ២៩ឆ្នាំ ជនជាតិខ្មែរ(ដៃដល់)
២. ឈ្មោះ ប្រុស ឧត្តម ភេទប្រុស អាយុ២៩ឆ្នាំ ជនជាតិខ្មែរ(បិទគូទ)
សំភារ:ដកហូតមាន៖
១.ម៉ូតូម៉ាក HONDA-SCOOPY ពណ៌ស ពាក់ស្លាកលេខ ភ្នំពេញ 1IR-5313(របស់ជនសង្ស័យ)
២.ម៉ូតូម៉ាក HONDA-CLICK ពណ៌ស ពាក់ស្លាកលេខ ភ្នំពេញ 1KB-9235
៣.ទូរស័ព្ទដៃម៉ាក SUMSUNG NOTE20 ពណ៌មាស (ជារបស់ជនរងគ្រោះ)។ ចំពោះទូរស័ព្ទដៃកម្លាំងជំនាញការិយាល័យ បានប្រគល់ឲ្យទៅបុរសរងគ្រោះជាជនជាតិថៃវិញ។
បច្ចុប្បន្នកម្លាំងជំនាញការិយាល័យ បាននាំជនសង្ស័យខាងលេីមកនាយកដ្ឋាននគរបាលព្រហ្មទណ្ឌ ដេីម្បីកសាងចាត់ការតាមនីតិវិធី៕
ប្រភព៖ កងម៉ូតូប្រដេញសាគរជ័យ
