ព្រៃវែង៖ នៅថ្ងៃទី១១ ខែឧសភា ឆ្នាំ២០២៣ វេលាម៉ោងប្រហែល ១៧និង៣០នាទី ឈ្មោះ ផេន ដានី ភេទស្រី អាយុ ៣៥ឆ្នាំ រស់នៅភូមិជ្រៃ(ក) ឃុំព្រៃស្រឡិត ស្រុកពារាំង ខេត្តព្រៃវែង និងកូនរបស់ខ្លួនម្នាក់ បានទៅលេងផ្ទះឈ្មោះ អេន ស្រីល័ក្ខ ហើយបន្ទាប់មកឈ្មោះ ស្រីល័ក្ខ ក៏បានបបួលផឹកស្រា ពេលនោះឈ្មោះ ផេន ដានី បានឲ្យលុយទិញស្រាបៀរហ្គេនស្បឺត ចំនួនមួយយួរ លុះនាំគ្នាផឹករហូត ដល់ម៉ោងប្រហែល ២០និង ០០នាទី ឈ្មោះ ផេន ដានី ក៏បានតេទូរសព្ទ័ ហៅឈ្មោះ ភឿន ជា ភេទប្រុស អាយុ ២៦ឆ្នាំ រស់នៅភូមិក្រាំង(ក) ឃុំព្រៃស្រឡិត ស្រុកពារាំង ខេត្តព្រៃវែង ឲ្យមកផឹកជាមួយខ្លួនដែរ ហើយឈ្មោះ ភឿន ជា ក៏បានប្រាប់ថា មកគ្នា ២នាក់ បើសិនទៅត្រូវទៅទាំងអស់គ្នា។ ពេលនោះឈ្មោះ ផេន ដានី ក៏ព្រមឲ្យមកទាំង ២នាក់ ពេលមកដល់ឈ្មោះ ភឿន ជា និងម្នាក់ទៀតឈ្មោះ សាត រ៉ាយូ ភេទប្រុស អាយុ ២៥ឆ្នាំ រស់នៅភូមិឃុំជាមួយគ្នា បានទិញស្រាថ្នាំចំនួន ១លីត្រ ផឹកតែ ២នាក់។ ចំណែកឈ្មោះ ដានី និង ស្រីល័ក្ខ ផឹកស្រាបៀរដដែល លុះផឹកអស់ស្រាមួយយួរនោះ ឈ្មោះ ភឿន ជា និង ឈ្មោះ សាត រ៉ាយូ បានទៅដូរក្រវិលកំប៉ុងស្រាបៀចំនួន 3 កំប៉ុងទៀតមកអោយផឹក ចំណែកខ្លួនទាំង ២នាក់ ផឹកស្រាថ្នាំដដែល ។
ផឹករហូតដល់ម៉ោងប្រហែល ២២និង ៥០នាទី យប់ឈ្មោះ ផេន ដានី និងកូនបានឲ្យឈ្មោះ ភឿន ជា ជិះម៉ូតូឌុបខ្លួន និងកូនមកផ្ទះ ហើយកន្លែងផឹក នៅតែឈ្មោះ សាត រ៉ាយូ និង ស្រីលក្ខ័ ជាម្ចាស់ផ្ទះ ដោយរងចាំឈ្មោះ ជា មកវិញ មកឌុបឈ្មោះ សាត រ៉ាយូ ទៅផ្ទះ ។ ដោយនៅតែគ្នា ២នាក់ ស្រាប់តែឈ្មោះ សាត រ៉ាយូ បានធ្វើសកម្មភាព ប៉ុនប៉ង រំលោភទៅលើឈ្មោះ អេន ស្រីល័ក្ខ តែមិនបានសម្រេច ស្រាប់តែឈ្មោះ រ៉ាយូ (ជនសង្ស័យ) នេះបានប្រើហិង្សា ទៅលើ ឈ្មោះ អេន ស្រីល័ក្ខ បណ្ដាយឲ្យ រងរបួសក្បាល និងមាត់(របួសធ្ងន់) ក្រោយមក ក៏បានគេចខ្លួនពីកន្លែងកើតហេតុ ។ ពេលឈ្មោះ ភឿន ជា មកវិញឃើញ ស្រីល័ក្ខ រងរបួសធ្ងន់បែបនេះ ក៏បានតេប្រាប់ឈ្មោះ ដានី អោយមកជួយមើលវិញ។
ក្រោយពេលកើតហេតុជនរងគ្រោះ ត្រូវបានសាច់ញាតិបងប្អូន បញ្ជូនទៅព្យាបាលរបួសនៅគ្លីនិកឯកជន ចំណែកជនសង្ស័យ ត្រូវបានសមត្ថកិច្ច ប៉ុស្តិ៍នគរបាលរដ្ឋបាលព្រៃស្រឡិត ឃាត់ខ្លួនបញ្ជូនទៅសាកសួរបំភ្លឺ នៅអធិការដ្ឋាននគរបាលស្រុកពារាំង ដើម្បីបន្តនីតិវិធីតាមផ្លូវច្បាប់ ។ បច្ចុប្បន្ន សមត្ថកិច្ចជំនាញកំពុងកសាងសំណុំរឿង បញ្ជូនទៅតុលាការ៕
ប្រភព៖ អធិការដ្ឋាន នគរបាលស្រុកពារាំង
