ភ្នំពេញ៖ ករណី ធ្វើឲ្យខូចខាតដោយចេតនា នូវទ្រព្យសម្បត្តិអ្នកដទៃ នៅផ្ទះគ្មានលេខ ភូមិចុងព្រែក១ សង្កាត់ព្រែកឯង ខណ្ឌច្បារអំពៅ ថ្ងៃទី ០៦-០៥-២០២៣ ម៉ោង២០និង០០នាទី។
ជនរងគ្រោះឈ្មោះ រស់ ភឺន ភេទ ប្រុស អាយុ៥៩ឆ្នាំ ជនជាតិខ្មែរ មុខរបរ នៅផ្ទះ ស្នាក់នៅផ្ទះកើតហេតុ។ ជនសង្ស័យឈ្មោះ សុខ ធី ភេទ ប្រុស អាយុ៣០ឆ្នាំ ជនជាតិខ្មែរ មុខរបរ គ្មាន ស្នាក់នៅភូមិចុងព្រែក១ សង្កាត់ព្រែកឯង ខណ្ឌច្បារអំពៅ។
គួរបញ្ជាក់ថាមុនពេលកើតហេតុជនសង្ស័យជាមនុស្សញៀនគ្រឿង ញៀនខ្លាំង បានយកដុំថ្មំគប់ផ្ទះជនរងគ្រោះបែកកញ្ចក់ទ្វារផ្ទះ១ផ្ទាំង រួចរត់គេចខ្លួន។ លុះដល់ថ្ងៃទី០៧-០៥- ២០២៣ ម៉ោង១១និង៣០នាទី សមត្ថកិច្ចយើងឃាត់ខ្លួន ជនសង្ស័យរួមនិងដុំថ្ម១ដុំ នៅភូមិកើតហេតុខាងលើ បញ្ជូនមកទីស្នាក់ការ ប៉ុស្តិ៍ព្រែកឯង សាកសួរ រួចបញ្ជូនទៅអធិការដ្ឋានចាត់វិធានការច្បាប់។ ជនសង្ស័យកន្លងមកធ្លាប់ជាប់ពន្ធនាគារ ២ឆ្នាំកន្លះ ក្នុងឆ្នាំ២០១៨ ពីបទ : លួចមានស្ថានទម្ងន់ទោស៕
ប្រភព៖ ប៉ុស្ដិ៍នគរបាលរដ្ឋបាលព្រែកឯង
