កំពង់ស្ពឺ៖ កាលវេលាម៉ោង២២និង៣៥នាទី ថៃ្ងទី០១ ខែឧសភា ឆ្នាំ២០២៣ មានករណីហិង្សារចេតនា (កាប់បង្កឱ្យមានរបួស និងបំផ្លិចបំផ្លាញ់ទ្រព្យសម្បត្តិអ្នកដទៃ(ម៉ូតូ) នៅចំណុចតាមផ្លូវកៅស៊ូលេខ ១០៦ មុខក្លោងទ្វាវត្តថ្មី ខាងលិច ស្ថិតនៅភូមិពាណិជ្ជកម្ម សង្កាត់រការធំ ក្រុងច្បារមន ខេត្តកំពង់ស្ពឺ ។
តាមបណ្ដឹងរបស់ជនរងគ្រោះ មានឈ្មោះហ៊ឹម សីហា ភេទប្រុស អាយុ២៥ឆ្នាំ នៅភូមិសំបួរ សង្កាត់ច្បារមន ក្រុងច្បារមន មុខរបរកម្មកររោងចក្រ ។រៀបរាប់ទាំងទឹកភ្នែកថា មុនពេលកើតហេតុបានចេញពីហូបអី នៅហាងស្រាក្រឡុក ជាមួយមិត្តភ័ក្កដោយមានគ្នា០៤នាក់ ស្រី០២នាក់ ពេលជិះម៉ូតូត្រឡប់ទៅផ្ទះវិញ ក៏បានឈប់ម៉ូតូដើម្បីទិញបាកាសហូប ពេលកំពុងឈប់ទិញក៏មានជនសង្ស័យមួយក្រុមជិះម៉ូតូ០៤គ្រឿង មានគ្នា០៧នាក់កាន់ដាវ នឹងកាំបិតផ្កាក់ បានចុះធ្វើសកម្មភាពវ៉ៃ និងកាប់មកលើជនរងគ្រោះ បណ្ដាលឲ្យរងរបួសត្រូវចំក្បាលដេរចំនួន០៩ ថ្នេរ ត្រូវចំកែងដៃដេរចំនួន ០៣ថ្នេរ និងត្រូវចំចង្កេះខាងឆ្វេងដេរចំនួន ០៣ថ្នេរ ហើយបានកាប់ម៉ូតូខូចខាតស្ទេីទាំងស្រុង ។
ក្រោយទទួលបណ្ដឹងពីជនរងគ្រោះ ជំនាញព្រហ្មទណ្ឌក្រុងច្បារមន និងបានការណែនាំដ៏ខ្ពង់ខ្ពស់ពីលោកឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ កំលាំងនគរបាលបន្ដស្រាវជ្រាវរហូតកំណត់មុខសញ្ញាសង្ស័យ បក្ខពួក និងឈានទៅការឃាត់ខ្លួនបាន០២នាក់ក្នុងចំណោមបក្ខពួកផ្សេងទៀតកាលពីថ្ងៃទី៣ ខែឧសភា ឆ្នាំ២០២៣ ១.ឈ្មោះ ហែន រដ្ឋា ភេទប្រុស អាយុ ២២ឆ្នាំ រស់នៅភូមិព្រៃរោង ឃុំភ្នំតូច ស្រុកឧត្ដុង្គ( អ្នកវ៉ៃទៅលើជនរងគ្រោះ ) ២.ឈ្មោះ ស្រេង ស៉ិន ភេទប្រុស អាយុ២២ឆ្នាំ រស់នៅភូមិជើងក្ដី ឃុំធម្មតាអរ ស្រុកសំរោងទង ខេត្តកំពង់ស្ពឺ អ្នកកាប់។ ករណីខាងលើកំលាំងព្រហ្មទណ្ឌក្រុងច្បារមនបានកសាងសំណុំរឿងនិងបញ្ជូនជនសង្ស័យទៅការិ-នគរបាលព្រហ្មទណ្ឌខេត្ត ចាត់ការតាមនីតិវិធី ៕
ប្រភព៖ ការិយាល័យ ផ្សព្វផ្សាយអប់រំ ខេត្តកំពង់ស្ពឺ
