កណ្តាល៖ នៅព្រឹកថ្ងៃទី៣ខែឧសភាឆ្នាំ២០២៣នេះមានម្ចាស់គណនីឈ្មោះFa Faដែលបានធ្វើការបង្ហោះ ដោយមានខ្លឹមសារថា ៖ 《បងប្អូនដែលនៅខាងព្រែកហូរពីព្រែកហូរទៅខាងតាខ្មៅពីតាខ្មៅទៅខាងព្រែកហូរសូមប្រុងប្រយ័ត្ននៅមុខវត្តព្រែកឬស្សីមានគេដាក់ខ្សែទាក់កសុំប្រុងប្រយ័ត្នទាំងអស់គ្នា។
ក្រោយពីបានទទួលព័ត៌មានភ្លាមលោកអធិការនគរបាលក្រុងតាខ្មៅបានឱ្យផ្នែកជំនាញសហការជាមួយ ប៉ុស្តិ៍នគរបាលរដ្ឋបាលព្រែកឬស្សីចុះស្រាវជ្រាវដល់កន្លែងកេីតហេតុជាបន្ទាន់ ។
ជាលទ្ធផល ក្រោយកម្លាំងយើងចុះពិនិត្យដល់កន្លែងកើតហេតុគឺឃើញថាមានខ្សែរភ្លើង ជាប្រភេទខ្សែរកាបអុបទិកទូរស័ព្ទ បានធ្លាក់រញ៉ែរញ៉ៃពេញផ្លូវគឺបណ្តាលមានភ្លៀងខ្យល់ជាខ្លាំងទើបបណ្តាលខ្សែរកាបទាំងនោះដាច់ធ្លាក់ ។
យោងតាមការរបស់ឈ្មោះ សួន ខេមរ៉ា ដែលជាជនរងគ្រោះបានបំភ្លឺថា៖ កាលពីថ្ងៃទី០៣ ខែឧសភា ឆ្នាំ២០២៣ នៅវេលាម៉ោង២ រំលហអាធ្រាត ខ្ញុំបាទឈ្មោះ សួន ខេមរ៉ា ភេទប្រុស អាយុ៣២ឆ្នាំ មានទីលំនៅភូមិព្រែកហូរលិច សង្កាត់ព្រែកហូរ ក្រុងតាខ្មៅ ខេត្តកណ្តាល ៕បានចេញទៅយកប្អូនស្រីឈ្មោះ សួន ពេជ្រឌី និងសួន សុផាន់ម៉ៃ ធ្វេីការនៅភ្នំពេញ ដោយជិះម៉ូតូម៉ាក NexII ពណ៌សលាយខ្មៅ មានស្លាកលេខ 1HR-6756 លុះជិះមកដល់ចំណុចមុខវត្តព្រែកឬស្សីក៏បានទាក់ជាមួយខ្សែអ៉ិនធឺណេតបណ្តាលឱ្យខ្ញុំដួលម៉ូតូបន្តិចរួចហេីយខ្ញុំក៏បានតេរទូរស័ព្ទទៅហៅប្អូនស្រីមកជួយដោយពួកគាត់ជិះម៉ូតូបីគ្រឿងមានគ្នាបួននាក់មកជួយលេីកយកម៉ូតូទៅផ្ទះវិញពីព្រោះខ្សែអ៉ិនធឺណេតបានរុំជាប់នឹងកង់ម៉ូតូជិះមិនកេីត ហេីយជាប់ហ្វ្រាំងកង់ក្រោយថែមទៀត ក្រោយពួកគាត់ជួយលេីកម៉ូតូយកមកដាក់ខាងរួច ពេលនោះខ្ញុំបាទមានរបួសត្រង់កមានស្នាម និងកដៃខាងឆ្វេងជាំបន្តិច រីឯសំភារះមិនមានបាត់បង់នោះឡេីយ បន្ទាប់មកពួកខ្ញុំបានធ្វេីដំណេីរទៅផ្ទះវិញទៅ ៕
យោងតាមការបំភ្លឺរបស់ម្ចាស់គណនីឈ្មោះ Fa Fa បានបំភ្លឺដូចខាងក្រោម៖ កាលពីថ្ងៃទី០៣ ខែឧសភា ឆ្នាំ២០២៣ នៅវេលាម៉ោង០៣រលងអាធ្រាត ខ្ញុំបាទម្ចាស់គណនី Fa Fa បានទទួលព័ត៌មានពីមិត្តភ័ក្ត្រឈ្មោះ សួន ខេមរ៉ា ភេទប្រុស ដែលរស់នៅក្នុងភូមិជាមួយគ្នា បានប្រាប់ថាសូមប្រយ័ត្ននៅមុខវត្តព្រែកឬស្សីមានគេចងខ្សែទាក់ក ខ្ញុំលឺសូរចឹងសួរទៅឈ្មោះ សួន ខេមរ៉ាថា បង្ហោះហ្វេសប៊ុកបានអត់0x017d7 បន្ទាប់មកឈ្មោះ ខេមរ៉ា ឆ្លេីយថា បង្ហោះបាន រួចមកខ្ញុំបាទបានបង្ហោះនៅក្នុងហ្វេសប៊ុកថា “បងប្អូនដែលនៅខាងព្រែកហូរពីព្រែកហូរទៅខាងតាខ្មៅពីតាខ្មៅទៅខាងព្រែកហូរសូមប្រុងប្រយ័ត្ននៅមុខវត្តព្រែកឬស្សីមានគេដាក់ខ្សែទាក់កសូម ប្រុងប្រយ័ត្នទាំងអស់គ្នា” ខ្ញុំផ្ទាល់សង្ស័យថាក្មេងៗវាចងខ្សែលេង មិនមានគំនិតថានៅមុខវត្តព្រែកឬស្សីមានគេចងខ្សែទាក់កក្នុងករណីប្លន់នោះទេ។
យោងតាមចំ់លើយរបស់ម្ចាស់គណនីហ្វេសប៊ុកទាំងពីរ និង យោងតាមការពិនិត្យនៅកន្លែងកើតហេតុកម្លាំងជំនាញសន្និដ្ឋានថា ករណីនេះជាករណីទាក់ខ្សែរកាបអុបទិចដែលធ្លាក់មករញ៉េរញ៉ៃ មិនមែនជាករណីទាក់ខ្សែរដើម្បីប្លន់នោះទេ ។ ហើយម្ចាស់គណនីទាំងពីរក៏បានទទួលស្គាល់នូវកំហុសផងដែរ និងបានសុំទោសដល់សម្ថតកិច្ចផងដែរ៕
ប្រភព៖ អធិការដ្ឋាននគរបាលក្រុងតាខ្មៅ
