ពោធិ៍សាត់៖ ដោយអនុវត្តតាមមតិចង្អុលការដ៏ខ្ពង់ខ្ពស់របស់ លោកឧត្តមសេនីយ៍ទោ ស ថេង ស្នងការ នៃស្នងការនគរបាលខេត្តពោធិ៍សាត់ នៅថ្ងៃទី២៦ ខែមេសា ឆ្នាំ២០២៣ វេលាម៉ោង១៦ និង ១៦នាទី កម្លាំងអន្តរាគមន៍នៃអធិការដ្នាននគរបាលក្រុងពោធិ៍សាត់ ដឹកនាំនិងបញ្ជាផ្ទាល់ដោយ លោកវរសេនីយ៍ឯក កែវ សារិ អធិការ នៃអធិការរដ្ឋាននគរបាលក្រុងពោធិ៍សាត់ បានដឹកនាំកម្លាំងចេញល្បាតក្នុងភូមិសាស្ត្រ ក្រុងពោធិ៍សាត់ រួចបង្ក្រាបបានករណីក្រុមក្មេងទំនើង បង្ហោះម៉ូតូ នៅចំណុចភូមិរ៉ា សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់។
ក្មេងទំនេីងទាំង ៣នាក់មានឈ្មោះ៖
១. ឈ្មោះ ស៊ឹម គឹមហួរ ភេទប្រុស អាយុ១៣ឆ្នាំ រស់នៅ ភូមិពាលញែក១ សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ មុខរបរ សិស្ស។
២. ឈ្មោះ ជា គឹមសាន ភេទប្រុស អាយុ១៦ឆ្នាំ រស់នៅ ភូមិរ៉ា សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ មុខរបរ សិស្ស។
៣. ឈ្មោះ សេង លីហុង ភេទប្រុស អាយុ១៤ឆ្នាំ រស់នៅ ភូមិបំបែកលាច សង្កាត់រលាប ក្រុងពោធិ៍សាត់ ខេត្តពោធិ៍សាត់ មុខរបរ សិស្ស។
បច្ចុប្បន្នក្រុមក្មេងទំនេីងត្រូវបានសមត្ថកិច្ច អប់រំ និងធ្វេីកិច្ចសន្យាឲ្យត្រលប់ទៅផ្ទះវិញ៕
