ភាគកណ្តាលប្រទេសឥណ្ឌូណេស៊ី រងការវាយប្រហារដោយគ្រោះរញ្ជួយដីមួយកម្រិត ៦,៤រ៉ិចទ័រ

បរទេស៖ គ្រោះរញ្ជួយដីមួយកម្រិត ៦,៤រ៉ិចទ័រ បានវាយប្រហារភាគកណ្តាលប្រទេសឥណ្ឌូណេស៊ី កាលពីថ្ងៃទី២១ ខែមេសា។

ទីភ្នាក់ងារឧតុនិយម អាកាសធាតុ និងភូគព្ភសាស្ត្ររបស់ប្រទេសឥណ្ឌូណេស៊ីបាននិយាយថា គ្រោះរញ្ជួយដីនោះបានកើតឡើងនៅវេលាម៉ោង ៥:២១នាទីល្ងាច នៅឆ្នេរសមុទ្រនៃខេត្តស៊ូឡាវេស៊ីខាងជើង ក្នុងជម្រៅប្រហែល ១០គីឡូម៉ែត្រក្រោមបាតសមុទ្រ។ ចំណុចកណ្តាលនៃគ្រោះរញ្ជួយដីនោះស្ថិតនៅចម្ងាយ ១៤១គីឡូម៉ែត្រភាគអាគ្នេយ៍នៃតំបន់មេឡុងគួននៃកោះតាឡូដរេជេនស៊ី។

ទីភ្នាក់ងារនេះមិនបានចេញការព្រមានអំពីរលកយក្សស៊ូណាមិណាមួយទេ បន្ទាប់ពីបានវាយតម្លៃគ្រោះរញ្ជួយដីនោះ៕

ប្រភព៖ ក្រសួងព័ត៌មាន