កោះកុង៖ ថ្ងៃអាទិត្យ ៤កើត ខែពិសាខ ឆ្នាំថោះ បញ្ចស័ក ពុទ្ធសករាជ ២៥៦៦ ត្រូវនិងថ្ងៃទី ២៣ ខែមេសា ឆ្នាំ២០២៣ វេលាម៉ោង១២និង១០នាទី មានករណីគ្រោះថ្នាក់ចរាចរណ៍កើតឡើងរវាងម៉ូតូនិងម៉ូតូ ទិសដៅស្របគ្នា នៅចំណុចលើផ្លូវជាតិលេខ ៤៨ ស្ថិតក្នុងភូមិនាងកុក ឃុំប៉ាក់ខ្លង ស្រុកមណ្ឌលសីមា បណ្តាលឲ្យរងរបួសធ្ងន់ ចំនួន០២នាក់ (ប្រុស)។
១/ជនរងគ្រោះឈ្មោះ ង៉ែត ភេទ ប្រុស អាយុ ២១ ឆ្នាំ បើកម៉ូតូម៉ាក HONDA dream C125 ពណ៌ខ្មៅ ពាក់ស្លាកលេខ 1C-6871 ជនជាតិខ្មែរ(របួសធ្ងន់) សន្លប់ នឹងបាក់ដងកាំបិតខាងឆ្វេង ។
២/អ្នកបង្ករ ឈ្មោះ ណែម ចំណាន ភេទ ប្រុស អាយុ ៣៣ ឆ្នាំ បើកម៉ូតូម៉ាកHONDA dream C125 ស្លាកលេខកោះកុង1C-8073 ជនជាតិខ្មែរ របួសធ្ងន់ (បាក់ស្មងជើងខាងឆ្វេង នឹងរបួសចំថ្ងាស់) នៅភូមិព្រែកស្វយ សង្កាត់ស្ទឹងវែង ក្រុងខេមរៈភូមិន្ទ ខេត្តកោះកុង។
មូលហេតុបត់ដោយមិនមានការប្រុងប្រយ័ត្ន ជនរងគ្រោះ ត្រូវបានសាច់ញាតិដឹកយកទៅសង្គ្រោះ នៅឯមន្ទីពេទ្យបង្អែកខេត្ត។ បច្ចុប្បន្ន ម៉ូតូទាំងពីរគ្រឿង ផ្នែកជំនាញ បានយកមករក្សាទុកនៅអធិការដ្ឋាន ដើម្បីធ្វើការដោះស្រាយតាមនីតិវិធី ៕
ប្រភព៖ នាយកដ្ឋានផ្សព្វផ្សាយអប់រំ
