បាត់ដំបង៖ នៅថ្ងៃទី២១ ខែមេសា ឆ្នាំ២០២៣ វេលាម៉ោង ១៧និង៤០នាទី ត្រង់ចំណុចក្រុមទី០៨ ភូមិប៉ោយសំរោង ឃុំតាពូង ស្រុកថ្មគោល ខេត្តបាត់ដំបង មានករណីអគ្គិភ័យកើតឡើង ០១លើក បណ្តាលឱ្យឆេះរថយន្ត ០១គ្រឿង ម៉ាកហាយឡែនដឺ (Hight Lander) ពាក់ផ្លាកលេខ ភ្នំពេញ 2AN-0117 ខូចខាតផ្នែកខាងក្រោយ (60%) ប៉ុន្តែមិនមានរងរបួសដល់មនុស្សទេ។ តាមការបញ្ជាក់ពីសមត្ថកិច្ចនៅកន្លែងកើតហេតុ បានសន្និដ្ឋានអោយដឹងថាមូលហេតុនៃករណីឆាបឆេះរថយន្តនេះគឺបណ្តាលមកពីមានបញ្ហាបច្ចេកទេស។
ករណីនេះ កម្លាំងនគរបាលស្រុកថ្មគោល បានដឹកនាំកម្លាំងចុះពន្លត់អគ្គិភ័យនេះ ដោយប្រើប្រាស់រថយន្តពន្លត់អគិ្គភ័យ នៃអធិការស្រុកចំនួន ០១គ្រឿង តែមិនបានប្រើប្រាស់ទឹកទេដោយសារប្រជាពលរដ្ឋជិតខាង ជួយយកទឹកទុយោម៉ូទ័រ និងទឹកធុងជះពន្លត់មិនឱ្យឆេះរីករាលដាលបន្ត៕
ប្រភព៖ អគ្គស្នងការដ្ឋាននគរបាលជាតិ
