តាកែវ៖ នៅថ្ងៃអង្គារ ១រោជខែចេត្រឆ្នាំខាលចត្វាស័ក ព.ស២៥៦៦ ត្រូវនឹងថ្ងៃទី១៨ ខែមេសា ឆ្នាំ២០២៣ វេលាម៉ោង ១៥:០០ នាទីចំណុចលើផ្លូវកៅស៊ូស្ថិតក្នុងភូមិអង្គត្នោតខាងលិចឃុំអង្គតាសោមមានករណីអំពើលួចមានស្ថានទម្ងន់ទោសមួយ(ឆក់)បង្កឡើងដោយជនសង្ស័យចំនួន០២នាក់ ជិះម៉ូតូម៉ាកនិចពណ៌ផ្កាឈូកលាយសគ្មានផ្លាកលេខប្រដាប់ដោយកាំបិតក្រង៉ុក។ ជនសង្ស័យទាំង ២នាក់មានឈ្មោះ៖
១-ឈ្មោះម៉ម សុខហៅកែវភេទប្រុសអាយុ ១៨ឆ្នាំនៅភូមិសេកយាឃុំអង្គតាសោម។
២-ឈ្មោះថន លីហ្សាភេទប្រុសអាយុ ១៧ឆ្នាំនៅភូមិអង្គត្នោតខាងកើតឃុំអង្គតាសោម។
បានធ្វើសកម្មភាពឆក់ទូរសព្ទពីជនរងគ្រោះចំនួនបួននាក់ដែលកំពុងជិះម៉ូតូម៉ាកស្កុបពីឌុបកូនតូចៗចំនួនពីរនាក់ចេញពីផ្សារអង្គតាសោមតាមផ្លូវខាងលើឆ្ពោះទៅផ្ទះវិញតែពេលធ្វើសកម្មភាពជនសង្ស័យយកទូរសព្ទពុំបានទេដោយជនរងគ្រោះប្រតោងប្រតាយយកបានវិញបណ្ដាលឲ្យដួលម៉ូតូរងរបួសទាំងម្ដាយនិងកូន។ជនរងគ្រោះទាំងបួននាក់មានឈ្មោះដូចខាងក្រោម
១-ឈ្មោះឆែត ស្រីនាងភេទស្រីអាយុ ២៥ឆ្នាំនៅភូមិតាសោមឃុំសំរោង។
២-ឈ្មោះរឿន ចំរើនភេទស្រីអាយុ ២៥ឆ្នាំនៅភូមិតាសោមឃុំសំរោង ស្រុកត្រាំកក់ និងកូនក្មេងចំនួន០២នាក់ ទៀត។ក្រោយពីរទទួលបានព័ត៌មានពីកន្លែងកើតហេតុនិងមានបទបញ្ជាពីលោកឧត្តមសេនីយ៍ទោស្នងការព្រមទាំងដឹកនាំសម្របសម្រួលដោយឯកឧត្តមព្រះរាជអាជ្ញាសមត្ថកិច្ចយើងបានចេញអន្តរាគមន៍ភ្លាមៗដោយឃាត់បានជនសង្ស័យទាំងពីរនាក់ដែលមានឈ្មោះដូចខាងលើព្រមទាំងវត្ថុតាងម៉ូតូម៉ាកនិចនិងកាំបិតក្រង៉ុកត្រង់ចំណុចភូមិសេកយាឃុំអង្គតាសោមបច្ចុប្បន្នកំពុងធ្វើការសាកសួរកសាងសំណុំរឿងទៅតាមនីតិវិធី។ បញ្ជាក់តាមការសាកសួរជនសង្ស័យបានសារភាពថាខ្លួនបានធ្វើសកម្មភាពឆក់ចំនួន ៤លើករួចមកហើយ៕
ប្រភព៖ អធិការដ្ឋាននគរបាលស្រុកត្រាំកក់ 1
