ពោធិ៍សាត់៖ ថ្ងៃអាទិត្យ ទី១៦ ខែមេសា ឆ្នាំ២០២៣ វេលាម៉ោង១៤:២០នាទី សមត្ថកិច្ចយើងបានទទួលព័ត៌មានពីប្រជាពលរដ្ឋល្អថានៅថ្ងៃទី ១៥ ខែមេសា ឆ្នាំ២០២៣ វេលាម៉ោង ២២:៣០នាទី មានករណី ហិង្សាដោយចេតនា(យកកាំបិតកាប់ទៅលើអ្នកដទៃ មូលហេតុផឹកស្រាស្រវឹងទំនាស់ពាក្យសម្តីគ្នា។)នៅចំណុចអណ្តូងស្រុក ភូមិសំឡាញ ឃុំក្រពើពីរ ស្រុកវាលវែង ខេត្តពោធិ៍សាត់ បង្កឡើងដោយឈ្មោះ ក ត ភេទប្រុស អាយុ ២៥ឆ្នាំ ជនជាតិ ខ្មែរ មុខរបរ កសិករ រស់នៅចំណុចកុំប៉ង ភូមិសំឡាញ ឃុំក្រពើពីរ បានយកកាំបិតតាំងតោកាប់ទៅលើជនរងគ្រោះ ចំនួន ០៤កាំបិត ត្រូវត្រង់ ក្បាល, ដៃឆ្វេង និងថ្ពាល់ខាងឆ្វេង ។
រីឯជនសង្ស័យបានរត់ ចំណែកឯជនរងគ្រោះត្រូវបានសាច់ញាតិបញ្ជូនទៅព្យាបាលនៅពេទ្យឯកជន ចំណុចតាំងយ៉ ភូមិស្ទឹងថ្មី ឃុំប្រម៉ោយ។ ក្រោយពីទទួលព័ត៌មានសមត្ថកិច្ចយើងបានចុះដល់ទីតាំងកើតហេតុខាងលើ បានធ្វើការស្រាវជ្រាវ ស៊ើបអង្កេតតាមនីតិវិធី លុះមកដល់វេលាម៉ោង ១៦:២០នាទី ថ្ងៃទី១៦ ខែមេសា ឆ្នាំ២០២៣ ឈានដល់ការឃាត់ខ្លួនជនស្ស័យបាន និងវត្ថុតាង បញ្ជូនមកអធិការដ្ឋាននគរបាលស្រុកវាលវែង ដើម្បីបន្តនីតិវិធី៕
ប្រភព៖ ស្នងការដ្ឋាននគរបាលខេត្តពោធិ៍សាត់
