ព្រះសីហនុ៖ សមត្ថកិច្ចឲ្យដឹងថា រថយន្ត២គ្រឿងបុកប៉ះគ្នា កាលពីម៉ោងជិត២យប់រំលងអាធ្រាត្រចូលថ្ងៃទី១៧ ខែមេសា ឆ្នាំ២០២៣ លើផ្លូវជាតិលេខ៤ ម្តុំជិតស្ពានអូរកំបុត ក្នុងឃុំរាម ស្រុកព្រៃនប់ ខេត្តព្រះសីហនុ ។
គ្រោះថ្នាក់ចរាចរណ៍នេះកើតឡើងរវាងរថយន្ត ហ៊ីយ៉ាន់ដាយ ៥តោន ពណ៌ស ដឹកស្រាបៀរ ពាក់ស្លាកលេខ ព្រះសីហនុ ៣A-២៤៧០ បើកបរទិសដៅ (ភ្នំពេញ-ព្រះសីហនុ )អ្នកបើកបរឈ្មោះ ផា គា ភេទប្រុស អាយុ២២ឆ្នាំ ទីលំនៅ ភូមិកំពង់ ឃុំកំពង់ ស្រុកបាទី ខេត្តតាកែវ បុកប៉ះជាមួយរថយន្ត លុចសុីស RX៣០០ ពណ៌ស ពាក់ស្លាកលេខ បាត់ដំបង ២C-៨០៥៣ (ទិសដៅផ្ទុយគ្នា) អ្នកបើកបរឈ្មោះ អេ សារី ភេទប្រុស អាយុ៣៦ឆ្នាំ ទីលំនៅ ភូមិទួលទទឹង២ ឃុំទួលទទឹង ស្រុកព្រៃនប់ ខេត្តព្រះសីហនុ។បើតាមសមត្ថកិច្ចបញ្ជាក់ថា គ្រោះថ្នាក់ចរាចរណ៍នេះបណ្តាលឲ្យអ្នកបើកបររថយន្ត លុចសុីស RX៣០០ រងរបួស ចំណែកភាគីរថយន្តដឹកស្រាបៀ មិនរងរបួសទេ។ ករណីនេះសមត្ថកិច្ចជំនាញ ចាត់ចែងដោះស្រាយតាមនិតិវិធី៕
ប្រភព៖ Huy Bunleng News
