កំពង់ចាម៖ តាមរបាយការណ៍ មន្ទីរទេសចរណ៍ ខេត្តកំពង់ចាមបានឱ្យដឹងថា សម្រាប់ថ្ងៃទីពីរ បុណ្យចូលឆ្នាំថ្មី ប្រពៃណីជាតិខ្មែរ ត្រូវនឹងថ្ងៃទី១៥ ខែមេសា ឆ្នាំ២០២៣ មានភ្ញៀវទេសចរដែលមកទស្សនា នៅតាមកន្លែងកម្សាន្ត និងរមណីយដ្ឋាននានា នៅក្នុងខេត្តកំពង់ចាម សរុបមាន ចំនួន ៥១៥ ១២៩ នាក់ ក្នុងនោះភ្ញៀវជាតិមាន ចំនួន ៥១៤ ៩៨០ នាក់ និងភ្ញៀវបរទេសមានចំនួន ១៤៩នាក់។
របាយការណ៍ដដែលបានបញ្ជាក់ថា ភ្ញៀវមកលេងកម្សាន្តតាម រមណីយដ្ឋានមាន-រមណីយដ្ឋានទឹកឆា ភ្ញៀវទេសចរណ៍សរុបមាន ចំនួន ១៥ ៤៣៥ នាក់ , រមណីយដ្ឋានកសិទេសចរណ៍-ថ្មដាទឹកឆា ភ្ញៀវទេសចរសរុបមានចំនួន ៣ ១០៥ នាក់, រមណីយដ្ឋានប្រាសាទភ្នំហាន់ជ័យ ចំនួន ៤ ៧០៧ នាក់, រមណីយដ្ឋានបែមប៊ូរីសតចំនួន ៦៦២នាក់ ក្នុងនោះភ្ញៀវទេសចរណ៍បរទេស ចំនួន ០៦នាក់, រមណីយដ្ឋានភ្នំប្រុស-ភ្នំស្រី ភ្ញៀវទេសចរសរុបមានចំនួន ៩៧៥នាក់, រមណីយដ្ឋាននគរបាជ័យ ភ្ញៀវទេសចរណ៍ ចំនួន ២ ០៧០ នាក់, រមណីយដ្ឋានប្រាសាទភ្នំជើងព្រៃ ភ្ញៀវទេសចរមានចំនួន ៨០៧នាក់, រមណីយដ្ឋានឆ្នេរខ្សាច់កោះប៉ែន ភ្ញៀវទេសចរសរុប ៩ ០៦៨ នាក់ ក្នុងនោះភ្ញៀវបរទេសចំនួន ៣៩នាក់ , អាហារដ្ឋានស្មៅទន្លេ ភ្ញៀវទេសចរសរុប ៨០២នាក់ , អាហារដ្ឋានសួនស្នេហ៍សុភមង្គល ភ្ញៀវទេសចរសរុប ១ ០២០ នាក់, ក្រុងកំពង់ចាម ភ្ញៀវទេសចរសរុប ចំនួន ២២៩ ៣៧៩ នាក់ ក្នុងនោះភ្ញៀវបរទេសចំនួន ៧១នាក់។
ក្រៅពីនោះ ភ្ញៀវស្នាក់នៅតាមផ្ទះសំណាក់ និងសណ្ឋាគារ ភ្ញៀវទេសចរសរុបចំនួន ៧៤៤នាក់ ក្នុងនោះភ្ញៀវបរទេសចំនួន ៣៨នាក់។ ដោយឡែក សង្ក្រាន្តតាមបណ្តាស្រុកនានាក្នុងខេត្ត មានភ្ញៀវទេសចរសរុប ចំនួន ២៤៦ ៣៥៥ នាក់ ក្នុងនោះភ្ញៀវបរទេស មានចំនួន ០៥នាក់ ផងដែរ៕
ប្រភព៖ ក្រសួងព័ត៌មាន
