ភ្នំពេញ៖ នៅថ្ងៃទី ០៦ ខែមេសា ឆ្នាំ២០២៣ វេលាម៉ោង១៣៖៣០នាទីរសៀល ស្ថិតនៅចំណុចភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញកម្លាំងនាយកដ្ឋានព្រហ្មទណ្ឌក្រសួងមហាផ្ទៃ សហការជាមួយការិយាល័យព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញ និង អធិការដ្ឋាននគរបាលពោធិ៍សែនជ័យព្រមទាំងអង្គការកាពារកុមាហៅកាត់ CPU បានធ្វើការស្រាវជ្រាវរហូតឈានដល់ការកំណត់មុខសញ្ញានិងឃាត់ខ្លួនតែម្ដង។
សូមបញ្ជាក់កាលពីថ្ងៃទី២៨ ខែមីនា ឆ្នាំ២០២៣ ឈ្មោះ ជា ធារិត ភេទប្រុស អាយុ៣៨ ជនជាតិខ្មែរ(ជនសង្ស័យ)បានជិះម៉ូតូទៅទិញទឹកក្រឡុកក្នុងខណ្ឌពោធិ៍សែនជ័យ (បុរីឈូកវ៉ា២) របស់ម្ដាយកុមារីរងគ្រោះ ជនសង្ស័យព្រមទាំងបានក្លែងខ្លួនជាគ្រូបង្រៀន ហើយបានអះអាងប្រាប់ម្ដាយកុមារីរងគ្រោះថា ខ្លួនជាគ្រូបង្រៀន និងមានវិញ្ញាសារប្រឡងថ្នាក់ទី៩។
បន្ទាប់មកម្ដាយកុមារីរងគ្រោះ មានការជឿទុកចិត្ត ក៏បានទាក់ទងទៅឈ្មោះ ជា ធារិត(ជនសង្ស័យ)។ លុះដល់ថ្ងៃទី០១ ខែមេសា ឆ្នាំ២០២៣ ជនសង្ស័យបានមកទាក់ទងមកឪពុកកុមារីរងគ្រោះជាច្រើនដង ដើម្បីឲ្យកុមារីរងគ្រោះយកវិញ្ញាសារប្រឡងថ្នាក់ទី៩ ហើយជនសង្ស័យក៏បានជិះម៉ូតូទៅយកកុមារីរងគ្រោះពីចំណុចសាលាវិទ្យាល័យ ភ្នំពេញថ្មី ដឹកទៅសាលាវិទ្យាល័យជម្ពូវ័ន ដើម្បីយកវិញ្ញាសារស្រាប់តែពេលនោះជនសង្ស័យបានដឹកកុមារីរងគ្រោះទៅទីតាំងផ្សេងទៅវិញ ហើយប្រាប់ទៅកាន់កុមារីរងគ្រោះថា ខ្លួនដឹកកុមារីរងគ្រោះទៅយកវិញ្ញាសារនៅម្ដុំវត្ថតាំក្រសាំងខាងត្បូងវិញ។
លុះដល់វត្ថតាំងក្រសាំងខាងត្បូងជនសង្ស័យបានរុញកុមារីរងគ្រោះចូលក្នុងបន្ទប់ទឹកចាស់មួយកន្លែង ដែលស្ថិតនៅក្នុងវត្តតាំងក្រសាំងខាងត្បូង ហើយបានយកកូនកាំបិតគំរាមទៅកាន់កុមារីរងគ្រោះដើម្បីធ្វើសកម្មភាពរំលោភ តែមិនបានសម្រេច។ បន្ទាប់មកពេលធ្វើសកម្មភាពរួចជនសង្ស័យបានគំរាមទៅកាន់កុមារីរងគ្រោះថា កុំឲ្យស្រែក បើហ៊ានស្រែក ខ្លួននិងចាក់សំលាប់។
ក្រោយមកជនសង្ស័យបានដឹកកុមារីរងគ្រោះទៅទីតាំងហាងបញ្ចាំ ដើម្បីបញ្ចាំទូរស័ព្ទរបស់ខ្លួន ព្រមទាំងបានបញ្ចុះបញ្ចូកុមារីរងគ្រោះឲ្យចូលផ្ទះសំណាក់ជាមួយខ្លួន តែកុមារីរងគ្រោះបានប្រកែកមិនព្រមចូលនោះទេ ហើយជនសង្ស័យក៏បានដឹកកុមារីរងគ្រោះទៅកាន់ទីតាំសាលាវិទ្យាល័យភ្នំពេញថ្មីវិញ រួចគេចខ្លួនបាត់តែម្ដង។
លុះដល់ថ្ងៃទី០៦ ខែមេសា ឆ្នាំ២០២៣ កំលាំងនាយកដ្ឋាននគរបាលព្រហ្មទណ្ឌក្រសួងមហាផ្ទៃសហការជាមួយការិយាល័យព្រហ្មទណ្ឌកំរិតស្រាលនៃស្នងការដ្ឋាននគរបាលរាជធានីភ្នំពេញ និងអធិការដ្ឋាននគរបាលខណ្ឌពោធិ៍សែនជ័យ នឹង អង្គការកាពារកុមាហៅកាត់ CPU បានធ្វើការឃាត់ខ្លួនជនសង្ស័យនៅចំណុចហាងបញ្ចាំដែលមានទីតាំងស្ថិតនៅ ភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ ព្រមទាំងនាំជនល្មើសមកអធិការដ្ឋាននគរបាលខណ្ឌពោធិ៍សែនជ័យ ដេីម្បីចាត់ការតាមផ្លូវច្បាប់៕
ប្រភព៖ អធិការដ្ឋាននគរបាលខណ្ឌពោធិ៍សែនជ័យ – វរសេនីយ៍ទោ ម៉ន វុធី
