ព្រៃវែង ៖ នៅវេលាម៉ោង ៩និង៤០នាទីព្រឹក សមត្ថកិច្ចទទួលបានព័ត៌មានថា មានករណីអគ្គិភ័យឆាបឆេះ រថយន្តហ៊ីយ៉ាន់ដាយមួយគ្រឿងពាក់ផ្លាកលេខ ស្វាយរៀង 3A-7899 របស់ឈ្មោះ សុខ សីឡា ភេទប្រុស អាយុ ៦៣ឆ្នាំ នៅក្រុងបាវិត ខេត្តស្វាយរៀង ។
ក្រោយទទួលបានព័ត៌មានភ្លាម កម្លាំងប៉ុស្តិ៍នគរបាលរដ្ឋបាលកំពង់សឹង និងរថយន្តពន្លត់អគ្គិភ័យចំនួន ៤គ្រឿង រថយន្តអធិការដ្ឋានស្រុកព្រះស្ដេច, ស្រុកកំពង់ត្របែក ,ស្រុកបាភ្នំ និងអធិការដ្ឋាននគរបាលស្រុកពាមរក៍ បានចេញអន្តរាគមន៍បាញ់ទឹកពន្លត់ ប្រើប្រាស់ទឹកអស់ ៤ រថយន្ត ទើបធ្វើឲ្យភ្លើងរលត់ ១០០ ភាគរយ ។
មូលហេតុបណ្តាលឱ្យឆាបឆេះរថយន្តខាងលើ មកពីជាងឈ្មោះ ទឹម ខែមរិន ផ្សារ៉េសាវ័រប្រេង បច្ចុប្បន្ន ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យអ្នកលឿង ៕
ប្រភព៖ អគ្គស្នងការដ្ឋាននគរបាលជាតិ
