សៀមរាប ៖ ថ្ងៃសៅរ៍ ៤កើត ខែចែត្រ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២៥ ខែមីនា ឆ្នាំ២០២៣ វេលាម៉ោង ១២និង០០នាទី មានករណីអគ្គិភ័យមួយកើតឡើង បណ្តាលឲ្យឆេះឡសំងួតរោងម៉ាសុីនកិនស្រូវមួយកន្លែង ស្ថិតនៅភូមិពេជោ្ជរ ឃុំក្រឡាញ់ ស្រុកក្រឡាញ់ ខេត្តសៀមរាប។ ម្ចាស់ទីតាំងឈ្មោះ ញឹម បញ្ញា ភេទប្រុស អាយុ៥៣ឆ្នាំ ប្រពន្ធឈ្មោះ ហាំ គឹមរ៉ាន់ អាយុ៤៨ឆ្នាំ បណ្តាលឲ្យខូចខាត ម៉ាសុីនឡសំងួតស្រូវ និងស្រូវចំនួន១០តោន។ ដោយមូលហេតុ បណ្តាលមកពីម៉ាសុីនក្នុងឡសំងួតស្រូវមានកំដៅខ្លាំង។
ករណីនេះកម្លាំងនៃអធិការដ្ឋាននគរបាលស្រុកក្រឡាញ់ បានចុះពន្លត់អគ្គិភ័យនេះ ដោយប្រើប្រាស់រថយន្តពន្លត់អគិ្គភ័យចំនួន ០១គ្រឿង ទើបគ្រប់គ្រងស្ថានការណ៍អគ្គិភ័យនេះបាន ៕
ប្រភព៖ អគ្គស្នងការដ្ឋាននគរបាលជាតិ
