កំពង់ធំ ៖រសៀលថ្ងៃអង្គារ៍ ១៥រោច ខែផល្គុន ឆ្នាំខាល ចត្វាស័ក ពស ២៥៦៦ត្រូវនឹងថ្ងៃទី ២១ ខែ មីនា ឆ្នាំ២០២៣ ស្នងការដ្ឋាននគរបាលខេត្ត បង្ហាញមុខក្មេងទំនើងពាក់ព័ន្ធករណី គប់កញ្ចក់រថយន្ត ចំណុចវាលគុក ភូមិសំរិត ឃុំឈើទាល ស្រុកសណ្តាន់ ខេត្តកំពង់ធំ ។
លោកឧត្តមសេនីយ៍ត្រី ទិត សំណាង ស្នងការរង ផែនការងារនគរបាលព្រហ្មទណ្ឌ បានថ្លែងឲ្យដឹងថា យប់ថ្ងៃទី ១៧ ខែ មីនាឆ្នាំ២០២៣ មានករណី ក្មេងទំនើងយកដុំថ្ម គប់ទៅលើកញ្ចក់រថយន្ត របស់ក្រុមប្រគុំតន្ត្រីតាមកម្មវិធីមង្គលការ ពេលវិលត្រលប់ទៅផ្ទះវិញបណ្ដាលឲ្យអ្នកបើកបររបួសធ្ងន់ផ្នែកផ្ទៃមុខ រីឯអ្នករួមដំណើររបួសស្រាល១៧នាក់ រថយន្តរេចង្កូតធ្លាក់ផ្លូវ ។ បន្ទាប់ពីទទួលបានពត៌មានខាងលើនេះ ដោយមានការសម្របសម្រួលនីតិវិធី ពីឯកឧត្តម ស៉ិន វិរ: ព្រះរាជអាជ្ញាអមសាលាដំបូងខេត្ត និងក្រោមការដឹកនាំបញ្ជាផ្ទាល់ពីលោកឧត្តមសេនីយ៍ទោ ម៉ែន លី ស្នងការនគរបាលខេត្ត លោកឧត្តមសេនីយ៍ត្រី ទិត សំណាង ស្នងការរង បានដឹកនាំកម្លាំង សហការជាមួយកម្លាំងអធិការដ្ឋាននគរបាលស្រុកសណ្តាន់ប្រើប្រាស់វិធានការជំនាញ ឈានទៅឃាត់ខ្លួន ក្មេងទំនើងចំនួន ០៧ នាក់ នាវេលាម៉ោង ០៣ និង ៣០ នាទី ថ្ងៃទី ២០ ខែ មីនាឆ្នាំ២០២៣
១–ឈ្មោះ វន ឃ្លីត ភេទ ប្រុស អាយុ ១៧ឆ្នាំ ស្រុកកំណើតភូមិ ពោន ឃុំច្រនាង ស្រុកតាំងគោក ខេត្តកំពង់ធំ
២–ឈ្មោះ សេី ចំរេីន ភេទ ប្រុស អាយុ១៧ ឆ្នាំ ស្រុកកំណើតភូមិចំការលើ ឃុំចំការលើ ស្រុកសាលាបរិវ៉ាត់ ខេត្តស្ទឹងត្រែង
៣–ឈ្មោះ ឡម លីន ភេទ ប្រុស អាយុ ១៧ឆ្នាំ ស្រុកកំណើតភូមិត្រពាំងអារក្ស ឃុំជ័យ ស្រុកកំពង់ស្វាយ ខេត្តកំពង់ធំ
៤–ឈ្មោះ រ៉ុង សុវណ្ណារាជ ភេទ ប្រុស អាយុ ១៨ ឆ្នាំ ស្រុកកំណេីតភូមិ ត្រពាំងវែង ឃុំច្រនាង ស្រុកតាំងគោក ខេត្តកំពង់ធំ
៥–ឈ្មោះ រុំ ផានិត ភេទ ប្រុស អាយុ១៧ឆ្នាំ ស្រុកកំណើតភូមិ ត្រពាំងអារក្ស ឃុំជ័យ ស្រុកកំពង់ស្វាយ ខេត្តកំពង់ធំ
៦–ឈ្មោះ បឿន ជែម ភេទ ប្រុស អាយុ ១៦ ឆ្នាំរស់នៅភូមិ សហគ្រាស ឃុំចំការអណ្តូង ស្រុកចំការលើ ខេត្តកំពង់ចាម
៧–ឈ្មោះ ឆុន រតនា ភេទប្រុស អាយុ ១៩ឆ្នាំ ស្រុកកំណើតភូមិ ចំការលើ ឃុំចំការលើ ស្រុកសាលាបរិវ៉ាត់ ខេត្តស្ទឹងត្រែង(ជនសង្ស័យទាំង ០៧ នាក់ ជាកម្មករចំការកៅស៊ូ)។
លោក ទិត សំណាង បានបញ្ជាក់ថា ករណីខាងលើនេះមន្ត្រីនគរបាលជំនាញ បានបញ្ជូនជនសង្ស័យ រួមទាំងវត្ថុតាង ទៅសាលាដំបូងខេត្ត ដើម្បីចាត់ការតាមនីតិវិធីច្បាប់៕
ប្រភព៖ នាយកដ្ឋានផ្សព្វផ្សាយអប់រំ
