ភ្នំពេញ ៖ ជនសង្ស័យក្នុងករណីលួចមានស្ថានទម្ងន់ទោស(ឆក់កាបូប)អ្នកដំណើរតាមដងផ្លូវ ត្រូវបានសមត្ថកិច្ចនគរបាលប៉ុស្តិ៍រដ្ឋបាលជ័យជម្នះ នៃអធិការដ្ឋាននគរបាលខណ្ឌដូនពពេញ សហការឃាត់ខ្លួន បន្ទាប់ពីពួកគេធ្វើសកម្មភាព នាវេលាម៉ោងប្រហែល១៣និង១០នាទី នៅចំណុចមុខផ្ទះ១១៤២ BEo ផ្លូវ១៩ ភូមិ៤ សង្កាត់ជយ័ជំនះ ខណ្ឌដូនពេញ រាជធានីភ្នំពេញ នៅថ្ងៃទី១៦ខែ កុម្ភៈ ឆ្នាំ២០២៣ ។
ជនសង្ស័យមានឈ្មោះ ប្រុស ពន្លឹក ភេទប្រុស អាយុ១៦ឆ្នាំ ជនជនជាតិខ្មែរ មុខរបរមិនពិតប្រាកដ ស្នាក់នៅភូមិអំពិលទឹក ឃុំសំបួរមាស ស្រុកមុខកំពូល ខេត្តកណ្តាល និងឈ្មោះ ហេង លាងម៉េង ភេទប្រុស អាយុ១៨ឆ្នាំ ជនជាតិខ្មែរ មុខរបរសិស្ស មានទីលំនៅភូមិអន្លង់ស្លែង ឃុំសំបួរមាស ស្រុកមុខកំពូល កណ្តាល ។
វត្ថុតាងដកហូតជាមួយនឹងការឃាត់ខ្លួនរួមមាន ៖ - ទូរសព្ទ័ដៃ ចំនួន០១គ្រឿងម៉ាក iPhone ១៤ ពណ៌ស្វាយ(បានប្រគល់ជូនជនរងគ្រោះ) - ម៉ូតូចំនួន០១គ្រឿងម៉ាក ហុងដាសេ១២៥ ពណ៌ខ្មៅ គ្មានស្លាកលេខ (ជារបស់ជនសង្ស័យជិះធ្វើសកម្មភាព) ។
បច្ចុប្បន្ន ជនសង្ស័យ រួមនឹងវត្ថុតាង ត្រូវបានកម្លាំងនគរបាលប៉ុស្តិ៍កសាងសំណុំរឿងបញ្ជូនទៅអធិការដ្ឋាននគរបាលខណ្ឌដូនពេញដើម្បីចាត់វិធានការបន្តទៅតាមផ្លូវច្បាប់ ៕
ប្រភព៖ អគ្គស្នងការដ្ឋាននគរបាលជាតិ
