តាកែវ៖ នៅថ្ងៃចន្ទ ៨រោចខែមាឃឆ្នាំខាលចត្វាស័ក ព.ស២៥៦៦ត្រូវនឹងថ្ងៃទី ១៣ខែកុម្ភៈឆ្នាំ ២០២៣ វេលាម៉ោង ២៤.០០នាទី កម្លាំងជំនាញ នៃអធិការដ្ឋាននគរបាលស្រុកត្រាំកក់ បានឃាត់ខ្លួនមុខសញ្ញាក្មេងទំនើង២នាក់ នៅចំណុចភូមិស្រុកចេក ឃុំអង្គតាសោម ស្រុកត្រាំកក់(ចំណុចចន្លោះគីឡូម៉ែត្រលេខ៧៩-៨០) ជិះម៉ូតូមួយគ្រឿងធុនC125 ពណ៌ខ្មៅពាក់ផ្លាកលេខភ្នំពេញ1.A T1350។
ជនសង្ស័យទាំង០២នាក់មានទី១-ឈ្មោះ ញឹម រដ្ឋា ភេទប្រុសអាយុ ២៥ឆ្នាំ ទីលំនៅភូមិត្រពាំងស្នោ ឃុំញ៉ែងញ៉ង ស្រុកត្រាំកក់ និងទី២-ឈ្មោះ ម៉េង ផល្លី ភេទប្រុស អាយុ ២០ឆ្នាំ ទីលំនៅភូមិដំណាក់ត្រយឹង ឃុំតាកែន ស្រុកឈូក ខេត្តកំពត ក្រោយឆែកឆេរបានឃើញអាវុធ(កាំបិតពណ៌ស តដងឈើប្រវែង ៥០ សង់ទីម៉ែត្រចំនួន០១)។
ដោយមានបទបញ្ជាពីលោកឧត្តមសេនីយ៍ទោស្នងការ និងដឹកនាំសម្របសម្រួលនីតិវិធីដោយឯកឧត្តមព្រះរាជអាជ្ញាអមសាលដំបូងខេត្តតាកែវ កម្លាំងជំនាញ បានឃាត់ខ្លួនជនសង្ស័យទាំង០២នាក់ និងវត្ថុតាងម៉ូតូនិងកាំបិត ដើម្បីកសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធី៕
ប្រភព៖ អធិការដ្ឋាននគរបាលស្រុកត្រាំកក់ 1
