ព្រះសីហនុ៖ សមត្ថកិច្ចឲ្យដឹងថា មានគ្រោះថ្នាក់ចរាចរណ៍មួយករណីទៀត វេលាម៉ោង២កន្លះយប់រំលងអាធ្រាត្រឆ្លងចូល ថ្ងៃទី១១ ខែកុម្ភៈ ឆ្នាំ២០២៣ លើផ្លូវ៧មករា ត្រង់ចំណុចជិតស្តុបជាងលីម ស្ថិតក្នុង ភូមិ៣ សង្កាត់៤ ក្រុងព្រះសីហនុ រវាងរថយន្ត០១គ្រឿង ម៉ាក CAMARY ពណ៍ស ពាក់ផ្លាកលេខភ្នំពេញ2AF-0526 បេីកបរដោយឈ្មោះ គោ យូឡាយ ភេទប្រុស អាយុ២៦ឆ្នាំ ជនជាតិខ្មែរ បច្ចុប្បន្នស្នាក់នៅ ភូមិ២ សង្កាត់២ ក្រុង/ខេត្តព្រះសីហនុ មានទិសដៅពីកើតទៅលិច បានបុកប៉ះនឹងម៉ូតូកង់បី ០១គ្រឿង បើកបរដោយឈ្មោះ លឹម ផល្លា ភេទប្រុស អាយុ៣៦ឆ្នាំ មុខរបររត់កង់បី បច្ចុប្បន្នស្នាក់នៅ ភូមិ២ សង្កាត់៤ ក្រុង/ខេត្តព្រះសីហនុ បន្ទាប់មករថយន្តCAMARYនេះ ក៏ជ្រុលទៅបុករថយន្ត០១គ្រឿងទៀត ម៉ាក CAMARYដូចគ្នា ពណ៍ស ពាក់ផ្លាកលេខភ្នំពេញ2V-6006 បេីកបរដោយឈ្មោះ មាស សុធារ៉ា ភេទប្រុស អាយុ៣២ឆ្នាំ ជនជាតិខ្មែរ បច្ចុប្បន្នស្នាក់នៅ ភូមិ៣ សង្កាត់៤ ក្រុង/ខេត្តព្រះសីហនុ បើកបរទិសដៅផ្ទុយគ្នា ។
គ្រោះថ្នាក់ចរាចរណ៍នេះបណ្តាលឲ្យអ្នកបើកបរម៉ូតូកង់បី រងរបួសធ្ងន់។ ក្រោយកើតហេតុ អ្នកបើកបររថយន្តទី១ សមត្ថកិច្ចឃាត់ខ្លួន នាំមកដោះស្រាយបន្តតាមនិតិវិធី ចំណែកយានន្តទាំង៣គ្រឿងជាវត្ថុតាង សមត្ថកិច្ច ក៏បានយកមករក្សាទុកនៅការិយាល័យចរាចរណ៍ផ្លូវគោកខេត្តព្រះសីហនុតាមនិតិវិធី៕
ប្រភព៖ Huy Bunleng News
