ភ្នំពេញ៖ ថ្ងៃទី០៦ ខែកុម្ភៈ ឆ្នាំ២០២៣ វេលាម៉ោង១១:០០នាទីជនរងគ្រោះឈ្មោះ អុឹម អ៊ន់ បានជិះម៉ូតូម៉ាកsuzuki nex សេរីឆ្នាំ២០១៦ ពណ៌ស ពាក់ស្លាកលេខ ភ្នំពេញ1GE 2467របស់ខ្លួន ដើម្បីមកផ្ទះបងនៅចំណុច ផ្លូវបេតុង ភូមិមានជ័យ២ សង្កាត់ស្ទឹងមានជ័យទី១ ខណ្ឌមានជ័យ (ចំណុចកើតហេតុ) ដោយបានចតម៉ូតូទុក្ខនៅខាងមុខផ្ទះរួចដើរចូលទៅខាងក្នុងផ្ទះ ពេលនោះស្រាប់តែជនសង្ស័យឈ្មោះសុខ ឌីណា និងជនសង្ស័យ ឈ្មោះ គន់ សុគង់ ដើរកាត់ឃើញម៉ូតូចតនៅខាងមុខផ្ទះ ខណៈនោះជនសង្ស័យឈ្មោះសុខ ឌីណា បានធ្វើសកម្មភាពកាច់សោកម៉ូតូដោយផ្ទាល់ ហើយឈ្មោះគន់ សុគង់ជាអ្នកមើលផ្លូវ បន្ទាប់ពីធ្វើសកម្មភាពរួចជនសង្ស័យទាំងពីរក៏បានជិះម៉ូតូគេចខ្លួនបាត់ ។
ក្រោយមកជនរងគ្រោះក៏បានមកដាក់ពាក្យបណ្ដឹងនៅ ប៉ុស្តិ៍នគរបាលរដ្ឋបាលស្ទឹងមានជ័យទី១ ឱ្យជួយស្រាវជ្រាវ បន្ទាប់ពីទទួលពាក្យបណ្ដឹងរួចសមត្ថកិច្ចក៏ចុះទៅដល់កន្លែងកើតហេតុ និងឆែកកាមេរ៉ាសុវត្ថិភាព ក៏កំណត់បានអត្តសញ្ញាណរបស់ជនសង្ស័យ ។
រហូតដល់វេលាម៉ោង ៥:០០នាទីភ្លឺ ក៏ឃាត់ខ្លួនបានជនសង្ស័យបានម្នាក់ឈ្មោះគន់ សុគង់ នៅចំណុចផ្លូវបេតុង ភូមិមានជ័យ សង្កាត់ស្ទឹងមានជ័យទី១ យកមកធ្វើការសាកសួរបន្ទាប់ពីធ្វើការសាកសួររួចសមត្ថកិច្ចប៉ុស្តិ៍នគរបាលរដ្ឋបាលស្ទឹងមានជ័យទី១ សហការជាមួយកម្លាំងនគរបាលខណ្ឌមានជ័យស្រាវជ្រាវបន្តរហូតឃាត់ ខ្លួនបានជនសង្ស័យម្នាក់បន្ថែមទៀតឈ្មោះសុខ ឌីណាដែរជាជនដៃដល់នៅចំណុចផ្លូវលំភូមិឬស្សីសង្កាត់ស្ទឹងមានជ័យទី២ យកមកធ្វើការសាកសួរនិងចាត់ការតាមនីតិវិធីច្បាប់តែម្ដង ៕
ប្រភព៖ សាលាសង្កាត់ ស្ទឹងមានជ័យ
