ពោធិ៍សាត់ ៖ នៅថ្ងៃទី៨ ខែកុម្ភៈ ឆ្នាំ២០២៣ វេលាម៉ោង០០ និង២៥នាទី កម្លាំងប៉ុស្តិ៍នគរបាលរដ្ឋបាលបឹងខ្នារ បានចុះបង្ក្រាបក្មេងទំនេីងមួយក្រុម (ជិះម៉ូតូបង្ហោះតាមផ្លូវទីសាធារណៈ) នៅចំណុចផ្លូវជាតិលេខ០៥ ស្ថិតនៅភូមិខ្នាចរមាស ឃុំបឹងខ្នារ ស្រុកបាកាន ខេត្តពោធិ៍សាត់ ។
របាយការណ៍របស់អធិការដ្ឋាននគរបាលស្រុកបាកាន បានឲ្យដឹងថា ៖ កម្លាំងប៉ុស្តិ៍នគរបាលរដ្ឋបាលបឹងខ្នារ បានធ្វើការឃាត់ខ្លួនក្មេងទំនើងចំនួន ០៦នាក់ ១-ឈ្មោះ ហុង អេងហួត ភេទប្រុស អាយុ១៩ឆ្នាំ ២-ឈ្មោះ ធីណា រក្សា ភេទប្រុស អាយុ ១៩ឆ្នាំ ៣-ឈ្មោះ សុន ស៊ីវម៉ី ភេទប្រុស អាយុ១៧ឆ្នាំ ៤-ឈ្មោះ សួន រ៉ាម៉ន ភេទប្រុស អាយុ១៨ឆ្នាំ ៥-ឈ្មោះ សឿន ពេទ្យ ភេទប្រុស អាយុ២៧ឆ្នាំ អ្នកទាំង៥នាក់រស់នៅភូមិតាលោ ឃុំតាលោ ស្រុកតាលោសែនជ័យ និងទី៦-ឈ្មោះ មូល ម៉ូវ ភេទប្រុស អាយុ២៥ឆ្នាំ រស់នៅភូមិព្រៃតាឡង់ ឃុំផ្ទះរុង ស្រុកតាលោសែនជ័យ ។
វត្ថុតាងដកហូតរួមមាន ៖ ម៉ូតូចំនួន ០៣គ្រឿង ១-ម៉ាកSONIC ពណ៌ខ្មៅ គ្មានផ្លាកលេខ ២-ម៉ាក EXCITER ពណ៌ខ្មៅ គ្មានផ្លាកលេខ ៣-ម៉ាក EXCITER ពណ៌ខៀវ ពាក់ផ្លាកលេខ ពោធិ៍សាត់ 1N-4849 ។
បច្ចុប្បន្នជនសង្ស័យទាំង០៦នាក់ រួមទាំងម៉ូតូចំនួន ០៣គ្រឿង ត្រូវបានសមត្ថកិច្ចបញ្ជូនមកកាន់អធិការដ្ឋាននគរបាលស្រុកបាកាន ដើម្បីបន្តនីតិវិធី ៕
ប្រភព៖ អគ្គស្នងការដ្ឋាននគរបាលជាតិ
